Леан Святаполк-Мірскі

Леан Святаполк-Мірскі (польск.: Leon Światopełk-Mirski; 22 снежня 1871 — 17 верасня 1921) — каталіцкі дзеяч.

Леан Святаполк-Мірскі
Адукацыя	Санкт-Пецярбургская Рымска-каталіцкая семінарыя
Нараджэнне	22 снежня 1871(1871-12-22)
Смерць	17 верасня 1921(1921-09-17) (49 гадоў)
Пахаванне	Старыя могілкі ў Пінску
Дынастыя	Святаполк-Мірскія

У Вікіпедыі ёсць артыкулы пра іншых людзей з прозвішчам Святаполк-Мірскі.

Біяграфія

Паходзіў з беларускага шляхецкага роду Святаполк-Мірскіх з Мінскай губерні. Скончыў Духоўную семінарыю ў Пецярбургу. Пасвечаны на святара ў 1896 годзе. Служыў у Віцебскай губерні^[1].

Шматгадовы сібірскі місіянер. У 1897—1903 гадах вікарый у Табольску, у 1903—1913 гадах пробашч у Краснаярску, у 1913—1914 — у Іркуцку, у 1913—1914 гадах дэкан іркуцкі. З 1918 годзе знаходзіўся па-за архідыяцэзіяй^[1][2].

Хатні прэлат Яго Святасці, прэлат-прэпазіт мінскі, генеральны вікарый Пінскай дыяцэзіі, пробашч і дэкан пінскі.

Магіла Леана Святаполк-Мірскага

Пахаваны на Старых каталіцкіх могілках у Пінску, побач з ксяндзом-прэлатам Вітольдам Данілевічам-Чачотам.

Зноскі

1. SERGIUSZ LEOŃCZYK — ABAKAN (ROSJA). BUDOWA KOŚCIOŁÓW KATOLICKICH DLA OSIEDLEŃCÓW POLSKICH W KRESŁAWCE I KANOKU W GUBERNI JENISEJSKIEJ NA POCZĄTKU XX WIEKU
2. Магчыма, дадзеныя пасады адносяцца да Яўгена (Леана) Святаполк-Мірскага