Лышчанскі сельсавет

Лышча́нскі сельсавет — адміністрацыйна-тэрытарыяльная адзінка ў складзе Пінскага раёна Брэсцкай вобласці Беларусі. Адміністрацыйны цэнтр — вёска Лышча (да 5 сакавіка 1981 года — Лышчэ).

Лышчанскі сельсавет
Краіна	Беларусь
Уваходзіць у	Пінскі раён
Уключае	5 населеных пунктаў
Адміністрацыйны цэнтр	Лышча
Дата ўтварэння	16 ліпеня 1954
Насельніцтва (2019)	849
Код аўтам. нумароў	1

Утвораны 16 ліпеня 1954 года як Лышчаўскі сельсавет у складзе Лагішынскага раёна Пінскай вобласці БССР шляхам аб’яднання Забаравецкага і Дабраслаўскага сельсаветаў^[1]. 20 мая 1957 года ў склад Бабрыкоўскага сельсавета перададзена вёска Дабраслаўка^[2]. 8 сакавіка 1960 года ў склад Навадворскага сельсавета перададзена вёска Сташаны^[3]. Пасля скасавання Лагішынскага раёна 25 снежня 1962 года ўвайшоў у склад Пінскага раёна. На 1 студзеня 1974 года ў складзе сельсавета 8 населеных пунктаў^[4]. 5 сакавіка 1981 года перайменаваны ў Лышчанскі, а цэнтр — у вёску Лышча.

Насельніцтва сельсавета паводле перапісу 2009 года — 1197 чалавек^[5], з іх 96,5 % — беларусы, 1,6 % — рускія, 1,2 % — украінцы^[6]; паводле перапісу 2019 года — 849 чалавек^[7].