Ліпа драбналістая

Ліпа драбналістая^[1], Ліпа сэрцападобная^[2] (Tilia cordata) — лістападнае дрэва сямейства ліпавых.

Ліпа драбналістая
Агульны выгляд дарослага квітнеючага дрэва
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Мальвакветныя Сямейства:  Мальвавыя Падсямейства:  Ліпавыя Род:  Ліпа Від:  Ліпа драбналістая
Міжнародная навуковая назва
Tilia cordata Mill.
Сінонімы
Tilia parvifolia Ehrh. ex Hoffm.
Сістэматыка на Віківідах Выявы на Вікісховішчы ITIS   505507 NCBI   172266 EOL   486446 GRIN   t:36675 IPNI   835277-1 TPL   kew-2518181

Назва

Ліпа сэрцападобная, ліпа^[3][4], ліпнік^[5][6].

Батанічнае апісанне

Дрэва вышынёй да 25—30 м з шарападобнай кронай, чорнай, патрэсканай карой. Лісце чаргаванае, чаранковае, сэрцападобнае, з пілаватым краем. Кветкі жаўтавата-белыя, духмяныя, сабраныя па 5—15 у паніклыя паўпарасонікі. Прыкветны ліст зрастаецца з агульным кветаносам сваёй жылкай у ніжняй яе частцы. Плод — шарападобны арэшак.

Арэал і экалогія

Паштовая марка Беларусі, 2004

Расце ў зоне мяшаных і шыракалістых лясоў Еўропы, у Заходняй Сібіры да правабярэжжа Іртыша. Звычайна расце ўперамешку з іншымі пародамі, асабліва дубам.

Кветкі ліпы

Цвіце ў канцы чэрвеня — пачатку ліпеня, плады выспяваюць у жніўні — верасні.

Значэнне і выкарыстанне

Меданос. Адвар кветак ліпы выкарыстоўваюць як патагонны і жарапаніжальны сродак.

Зноскі

1. Беларуская навуковая тэрміналогія: слоўнік лясных тэрмінаў. — Мінск: Інбелкульт, 1926. — Т. Вып. 8. — 80 с.
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 131. — 160 с. — 2 350 экз.
3. Federowski M. Lud Bialoruski na Rusi litewskiej. Krakow, I, 1897
4. З. Верас. Беларуска-польска-расейска-лацінскі ботанічны слоўнік. — Вільня, Субач 2: Выданне газеты «Голас беларуса», Друкарня С. Бэкэра, 1924.
5. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
6. Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. Горы-Горки, 1927