Марыя Вячаславаўна Шамякіна

Марыя Вячаславаўна Шамякіна (у дзявоцтве Кудрашова, у замужжы Афоніна^[1]; нар. 11 жніўня 1976, Мінск) — беларускі літаратуразнавец, спецыяліст у галіне тэорыі літаратуры, тэксталогіі, пісьменнік-фантаст, паэт. Кандыдат філалагічных навук (2005)

Марыя Вячаславаўна Шамякіна
Месца нараджэння	Мінск, Беларуская ССР, СССР
Дата смерці	11 жніўня 1976(1976-08-11)
Маці	Таццяна Іванаўна Шамякіна
Род дзейнасці	літаратуразнавец, паэт, пісьменнік, фантаст
Месца працы	Літаратурны музей Максіма Багдановіча Беларускі фонд культуры Полымя Адміністрацыя прэзідэнта Рэспублікі Беларусь Iнстытут пагранічнай службы Рэспублікі Беларусь Інстытут мастацтвазнаўства, этнаграфіі і фальклору імя Кандрата Крапівы НАН Беларусі
Навуковая ступень	кандыдат філалагічных навук
Альма-матар	філалагічны факультэт БДУ
Член у	Саюз пісьменнікаў Беларусі
Узнагароды	Ганаровая грамата Адміністрацыі Прэзідэнта Рэспублікі Беларусь[d]

Біяграфія

Нарадзілася ў 1976 годзе ў Мінску. Дачка Таццяны Шамякінай, унучка Івана Шамякіна.

У 1998 г. скончыла беларуска-рускае аддзяленне філалагічнага факультэта БДУ, у 1999 г. — магістратуру на кафедры рускай літаратуры філалагічнага факультэта БДУ, у 2004 г. — аспірантуру на кафедры тэорыі літаратуры філалагічнага факультэта БДУ. У 2005 г. абараніла кандыдацкую дысертацыю на тэму «Паэтыка беларускіх замоў: вобразны свет, гукавая арганізацыя тэксту».

У 1999—2000 гг. працавала малодшым навуковым супрацоўнікам навукова-экспазіцыйнага аддзела Літаратурнага музея імя М. Багдановіча. У 2000—2001 гг. — супрацоўнік Беларускага фонду культуры, у 2003—2010 гг. — рэдактар часопіса «Полымя», у 2010—2017 гг. — саветнік-кансультант аддзела падрыхтоўкі выступленняў Адміністрацыі Прэзідэнта Рэспублікі Беларусь. У 2017—2022 г. — дацэнт кафедры сацыяльна-гуманітарных дысцыплін ДУА «Інстытут пагранічнай службы Рэспублікі Беларусь». У 2022 г. паступіла ў дактарантуру Цэнтра даследаванняў беларускай культуры, мовы і літаратуры НАН Беларусі. У 2024 г. пачала працаваць у аддзеле экалогіі традыцыйнай культуры Інстытута мастацтвазнаўства, этнаграфіі і фальклору НАН Беларусі.

Член Саюза пісьменнікаў Беларусі. Аўтар шэрагу літаратурных мастацкіх твораў.

Навукова-даследчыцкая дзейнасць

Спецыялізуецца ў галіне фалькларыстыкі і беларускай літаратуры. Галоўны прадмет навуковай цікавасці ў наш час — беларуская фантастычная літаратура.

Аўтар дзвюх манаграфій і больш чым 30 навуковых публікацый. У 2005 г. выйшла манаграфія «Паэтыка беларускіх замоў у аспекце літаратуразнаўства: вобразны свет, гукавая арганізацыя тэксту». У 2021 г. выйшла манаграфія «Уяўленні пра будучыню ў фальклорных тэкстах і літаратурных помніках старажытнасці».

Прэміі і ўзнагароды

Узнагароджана Ганаровай граматай Адміністрацыі Прэзідэнта Рэспублікі Беларусь (2017).