Мнаганожка

Не блытаць з Мнаганожкі.

Мнаганожка, Папараць^[1] (Polypodium) — род папарацей сямейства мнаганожкавых.

Мнаганожка
Мнаганожка звычайная. Агульны выгляд расліны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Папарацепадобныя Клас:  Папараці Парадак:  Мнаганожкі Сямейства:  Мнаганожкавыя Падсямейства:  Polypodioideae Род:  Мнаганожка
Міжнародная навуковая назва
Polypodium L.
Сістэматыка на Віківідах Выявы на Вікісховішчы ITIS   17228 NCBI   38352 EOL   38338 IPNI   328197-2

Батанічнае апісанне

Шматгадовыя травяністыя эпіфітныя і наземныя расліны з доўгім галінастым карэнішчам, густа ўкрытым бурымі ланцэтнымі лускавінкамі. Вышыня звычайна 20–80 см. Скурыстае чаранковае лісце адыходзіць ад яго радамі (адсюль назва). Лісцевыя пласцінкі падоўжана-ланцэтныя, перыста-раздзельныя. Сорусы (кучкі спарангіяў) круглаватыя або авальныя, размешчаны пасярэдзіне ці па краі сегментаў ніжняга боку пласцінкі. Споры прадаўгаватыя, жоўтыя, бугрыстыя. Гаметафіт двухполы, наземны, зялёны.

Пашырэнне

Налічваецца 50-60 (па некаторых звестках, да 150—200) відаў, шырока распаўсюджаных амаль па ўсім зямным шары (акрамя Аўстраліі), але пераважна ў тропіках Паўночнай і Паўднёвай Амерыцы. Многія віды, якія раней адносіліся да гэтага роду, адносяць да родаў цыятэя (Cyathea), мікраграма (Microcramma), нефралепіс (Nephrolepis), флебодыум (Phlebodium) і інш.

На Беларусі мнаганожка звычайная, або папараць салодкая (Polypodium vulgare), папараць салодкая — від травяністых папарацей, які трапляецца невялікімі групамі па схілах грунтавых агаленняў берагоў рэк, азёр, радзей на пнях, паваленых дрэвах і інш.

Значэнне і выкарыстанне

Дубільныя (у карэнішчах змяшчаюцца таніны), дэкаратыўныя (ёсць садовыя формы), лекавыя і ядавітыя расліны. Некаторыя віды выкарыстоўваюцца ў ветэрынарыі і кулінарыі.