Міхась Пашкевіч

Міхась Пашкевіч (нар. 22 лютага 1986 года) — беларускі палітык і грамадскі актывіст, член Аб’яднанай грамадзянскай партыі і ўдзельнік кампаніі «Гавары праўду!».

Міхась Пашкевіч
Дата нараджэння	22 лютага 1986(1986-02-22) (39 гадоў)
Месца нараджэння	Малінаўка[d], Iosser[d], Княжпагосцкі раён, Рэспубліка Комі, РСФСР, СССР
Адукацыя	ліцэй БДУ (2003)
Партыя	Аб’яднаная грамадзянская партыя
Член у	Маладыя дэмакраты Гавары праўду Малады Фронт
Род дзейнасці	палітык
Узнагароды	Люблю Беларусь

У Вікіпедыі ёсць артыкулы пра іншых людзей з прозвішчам Пашкевіч.

Біяграфія

Нарадзіўся 22 лютага 1986 года ў пасёлку Малінаўка ў Рэспубліцы Комі (Расія)^[1], потым пераехаў з бацькамі ў Бярозу Брэсцкай вобласці^[2].

У 1999 годзе стаў членам Маладога фронту, потым удзельнічаў у кампаніі «Выбірай», прымеркаванай да прэзідэнцкіх выбараў 2001 года.

Паступіў на гістарычны факультэт БДУ, адкуль быў адлічаны пасля прэзідэнцкіх выбараў 2006 года^[2].

З 2006 года працуе ў маладзёжнай арганізацыі Аб’яднанай грамадзянскай партыі. У 2007 годзе абраны намеснікам старшыні арганізацыі «Маладыя дэмакраты», з 2008 г. — старшыня гэтай арганізацыі^[1].

Быў пазбаўлены волі на год умоўна па абвінавачанні ў арганізацыі мітынгу прадпрымальнікаў 10 студзеня 2008 года^[1].

З 2010 года — актывіст кампаніі «Гавары праўду!». Падчас прэзідэнцкіх выбараў 2010 года быў даверанай асобай кандыдата Уладзіміра Някляева.

Ініцыятар грамадзянскіх кампаній у падтрымку ўвядзення альтэрнатыўнай грамадзянскай службы.

Узнагароды і прэміі

• Люблю Беларусь (2010)^[3]

Зноскі

1. Юры Дракахруст. Пашкевіч Міхаіл // Акцэнты Свабоды (Бібліятэка Свабоды. ХХІ стагодзьдзе). — Радыё Свабодная Эўропа/Радыё Свабода, 2009. — 430 с. — ISBN 978-0-929849-28-7.
2. М. Пашкевіч: «Проста так нас не апраўдаюць» (нявызн.). Радыё Свабода (17 красавіка 2008). Праверана 20 сакавіка 2021.
3. Прэмію «Люблю Беларусь» нарэшце ўручылі лаўрэатам (нявызн.). Радыё Свабода (20 лютага 2010). Архівавана з першакрыніцы 20 сакавіка 2021. Праверана 20 сакавіка 2021.