Надзея Анатольеўна Лазарэвіч

У Вікіпедыі ёсць артыкулы пра іншых людзей з прозвішчам Лазарэвіч.

Надзея Анатольеўна Лазарэвіч (нар. 10 лістапада 1980(1980-11-10), Мінская вобласць) — беларуская дзяржаўная служачая, старшыня Беларускага дзяржаўнага канцэрна па вытворчасці і рэалізацыі тавараў лёгкай прамысловасці (з 2025).

Надзея Анатольеўна Лазарэвіч
Нараджэнне	10 лістапада 1980(1980-11-10) (44 гады) Мінская вобласць, Беларуская ССР, СССР
Адукацыя	Беларускі дзяржаўны эканамічны ўніверсітэт
Узнагароды

Першы намеснік старшыні Мінскага гарадскога выканаўчага камітэта (2023—2025).

Біяграфія

Нарадзілася 10 лістапада 1980 года ў Мінскай вобласці. Скончыла Беларускі дзяржаўны эканамічны ўніверсітэт. Падчас вучобы ва ўніверсітэце працавала бухгалтарам^[1].

Працавала ў Белтэлерадыёкампаніі, пазней — першым намеснікам генеральнага дырэктара холдынгу «Салеа» (Дзяржынск)^[2].

З 13 лістапада 2018 года^[3] па 10 лютага 2022 года^[4] была генеральным дырэктарам «Бабруйскаграмаша».

З 10 лютага 2022 года^[4] па сакавік 2023 года працавала намеснікам, з сакавіка 2023 года па кастрычнік 2025 года — першым намеснікам старшыні Мінскага гарадскога выканаўчага камітэта.

21 сакавіка 2023 года стала намесніцай старшыні Беларускага саюза жанчын^[5]. У красавіку 2023 года абрана старшынёй Мінскай гарадской федэрацыі гандбола^[6].

У кастрычніку 2025 года прызначана старшынёй Беларускага дзяржаўнага канцэрна па вытворчасці і рэалізацыі тавараў лёгкай прамысловасці.

Сям’я

Замужам, мае дачку Сафію (нар. 2010)^[1].

Узнагароды

• Медаль «За працоўныя заслугі» (2021)^[7].