Павел Апанасавіч Семчанка

У Вікіпедыі ёсць артыкулы пра іншых людзей з прозвішчам Семчанка.

Павел Апанасавіч Семчанка (нар. 11 лістапада 1938 — пам. 31 мая 2025) — беларускі мастак-каліграф, плакатыст, педагог. Прафесар (1995).

Павел Апанасавіч Семчанка
Дата нараджэння	11 лістапада 1938(1938-11-11)
Месца нараджэння	Вэлыкі Прыцькы, Кагарлыцкі раён, Кіеўская вобласць, УССР, СССР
Дата смерці	31 мая 2025(2025-05-31) (86 гадоў)
Месца смерці	Мінск, Беларусь
Грамадзянства	Беларусь
Род дзейнасці	мастак, выкладчык універсітэта
Месца працы	БДУ Беларускі дзяржаўны тэатральна-мастацкі інстытут
Жанр	каліграфія
Вучоба	Беларуская дзяржаўная акадэмія мастацтваў
Уплыў на	Дзмітрый Алегавіч Сурскі
Член у	Саюз мастакоў БССР Беларускі саюз дызайнераў
Прэміі	Прэмія «За духоўнае адраджэнне» (2000)
Медыяфайлы на Вікісховішчы

Біяграфія

У 1970 годзе скончыў Беларускую дзяржаўную акадэмію мастацтваў.

Член Беларускага саюза мастакоў (1983), Беларускага саюза дызайнераў, Расійскага саюза каліграфаў.

Аўтар кніг «Асновы шрыфтавой графікі»^[1] (1978), «Мелодыі каліграфа» (1993), «Мелодыяграфія» (2008), «Perfice: [выказванні, думкі, развагі]» (2018).

Разам з Алесем Разанавым заснаваў творчае аб’яднанне каліграфаў «Літарт»^[2].

Выкладаў у БДАМ (з 1970), БДУ^[3].

Творчасць

Вядомы як майстар каліграфічных кампазіцый і плаката. Працаваў у асноўным у тэхніцы востраканцовага пяра.

З 1976 года ўдзельнічаў у рэспубліканскіх, усесаюзных і замежных мастацкіх выстаўках.

Творы Паўла Семчанкі знаходзяцца ў Нацыянальным мастацкім музеі Беларусі, Полацкім гісторыка-культурным запаведніку, Музеі сучаснага выяўленчага мастацтва, фондах Беларускага саюза мастакоў.

Выстаўкі

• 23 мая — 24 чэрвеня 2012 года: персанальная мастацкая выстава «PAWEL SEMCZANKA» у Торуні (Польша);

Узнагароды

• 2000 — Лаўрэат прэміі Прэзідэнта Рэспублікі Беларусь «За духоўнае адраджэнне».

Зноскі

1. Семченко П.А.. Основы шрифтовой графики (руск.).
2. Архіўная копія (нявызн.)(недаступная спасылка). Архівавана з першакрыніцы 18 сакавіка 2023. Праверана 22 лютага 2023.
3. https://bsc.by/ru/story/kafedra-iskusstv-giust-bgu-novaya-stranica-v-letopisi-universiteta