Падліпкаўскі сельсавет

Падлі́пкаўскі сельсавет — былая адміністрацыйна-тэрытарыяльная адзінка ў складзе Гродзенскага раёна Гродзенскай вобласці. Цэнтр — вёска Падліпкі.

Падліпкаўскі сельсавет
Краіна	Беларуская ССР
Уваходзіў у	Гродзенскі раён
Адміністрацыйны цэнтр	Падліпкі
Дата ўтварэння	12 кастрычніка 1940, 10 снежня 1965
Дата скасавання	16 ліпеня 1954, 12 верасня 1977

Утвораны 12 кастрычніка 1940 года ў складзе Гродзенскага раёна Беластоцкай вобласці БССР. З 20 верасня 1944 года ў складзе Гродзенскай вобласці. 16 ліпеня 1954 года скасаваны, тэрыторыя далучана да Дубаўскага сельсавета^[1].

10 снежня 1965 года цэнтр Дубаўскага сельсавета перанесены ў вёску Падліпкі, а сельсавет перайменаваны ў Падліпкаўскі. 12 верасня 1977 года ў склад сельсавета з Індурскага сельсавета перададзены вёскі Адэльск, Скраблякі і хутар Мінкаўцы, наўзамен у склад Індурскага сельсавета перададзены вёскі Лужкі і Новадубавая, цэнтр перанесены ў вёску Адэльск, Падліпкаўскі сельсавет перайменаваны ў Адэльскі^[2].