Пад’язаўлеўскі сельсавет

Пад’я́заўлеўскі сельсавет — былая адміністрацыйна-тэрытарыяльная адзінка ў складзе Ляхавіцкага раёна Брэсцкай вобласці. Цэнтр — вёска Пад’язаўле.

Пад’язаўлеўскі сельсавет
Краіна	Беларуская ССР
Уваходзіў у	Ляхавіцкі раён
Адміністрацыйны цэнтр	Пад’язаўле
Дата ўтварэння	12 кастрычніка 1940
Дата скасавання	20 мая 1968

Утвораны 12 кастрычніка 1940 года ў складзе Ляхавіцкага раёна Баранавіцкай вобласці БССР. З 8 студзеня 1954 года ў Брэсцкай вобласці. 16 ліпеня 1954 года да сельсавета далучана тэрыторыя скасаванага Альхавецкага сельсавета^[1]. 9 чэрвеня 1958 года ў склад сельсавета з Малагарадзішчанскага сельсавета перададзены 2 населеныя пункты (вёскі Гукова і Літоўка)^[2]. 20 мая 1968 года сельсавет перайменаваны ў Альхоўскі, цэнтр перанесены ў вёску Альхоўцы.