Паляцкішскі сельсавет

Паляцкі́шскі сельсавет — былая адміністрацыйна-тэрытарыяльная адзінка ў складзе Воранаўскага раёна Гродзенскай вобласці. Цэнтр — аграгарадок Паляцкішкі.

Паляцкішскі сельсавет
Краіна	Беларусь
Уваходзіць у	Воранаўскі раён
Уключае	12 населеных пунктаў
Адміністрацыйны цэнтр	Паляцкішкі
Дата ўтварэння	29 красавіка 1960
Дата скасавання	18 кастрычніка 2013
Насельніцтва (2009)	801
Часавы пояс	UTC+03:00
Код аўтам. нумароў	4

Утвораны 29 красавіка 1960 года ў складзе Воранаўскага раёна Гродзенскай вобласці БССР шляхам аб’яднання скасаваных Даўгялаўскага і Кодзеўскага сельсаветаў^[1]. 19 красавіка 1973 года ў склад Пагародненскага сельсавета перададзены населеныя пункты Абалішкі, Вялікія Даўгялы, Гольманцішкі, Гута, Даўгердзішкі, Ёні, Малыя Даўгялы, Подзітва, Працішкі, Татарка і Трумпішкі^[2]. У 1977 годзе ў склад сельсавета з Пагародзенскага сельсавета перададзены вёскі Вялікія Даўгялы і Гута^[3]. У 1978 годзе ў склад Беняконскага сельсавета перададзены 4 населеныя пункты (вёска Любарты, хутары Жальвідоры, Кодзі і Кужы)^[4]. 18 кастрычніка 2013 года сельсавет скасаваны, яго тэрыторыя далучана да Пагародзенскага сельсавета^[5].

Насельніцтва сельсавета паводле перапісу 2009 года складала 801 чалавек^[6], з іх 89,5 % — палякі, 7,7 % — беларусы, 1,5 % — рускія^[7].

На момант скасавання ў склад сельсавета ўваходзілі 12 населеных пунктаў: аграгарадок Паляцкішкі, вёскі Вайдагі, Даўгялы, Драбішуны, Дуцішкі, Мухлядзішкі, Порайсць, Таўзгіняны, Ясянцы, хутары Гута, Чэглікі, Юндзілішкі.