Педагагічная паэма

«Педагагі́чная паэ́ма» — беларускі дакументальны фільм рэжысёра Віктара Аслюка, зняты па заказу Міністэрства культуры Рэспублікі Беларусь на кінастудыі «Беларусьфільм» (студыя «Летапіс») у 2015 годзе.

Педагагічная паэма
Педагагічная паэма
Жанр	дакументальны фільм
Рэжысёр	Віктар Мікалаевіч Аслюк
Сцэнарыст	Вольга Віктараўна Дашук
Кінакампанія	Беларусьфільм
Працягласць	52 хв.
Краіна	Беларусь
Мова	беларуская
Год	14 снежня 2015
IMDb	ID 27438232

Сюжэт

Героі фільма — маладыя настаўнікі, якія дзеля эксперыменту выпраўляюцца выкладаць у звычайную сельскую школу. Дакументальная стужка, знятая па матывах праекта «EDU.topia», апавядае аб працы людзей, якія сталі сябрамі, настаўнікамі і натхняючымі аднадумцамі.

У фільме здымаліся

Акцёр	Роля
Сяргей Бародзіч
Дзмітрый Макарчук

Здымачная група

• аўтар сцэнарыя — Вольга Дашук
• рэжысёр — Віктар Аслюк
• аператар — Анатоль Казазаеў
• гукааператар — Уладзімір Мірашнічэнка
• асістэнт рэжысёра — Вольга Дашук
• рэдактар — Уладзімір Мароз
• дырэктар — Уладзімір Заічанка

Крытыка

Журналіст газеты «Культура» Антон Сідарэнка адзначыў, што ў сучаснай «Педагагічнай паэме» ёсць сапраўдная вобразная паэзія, якая выдатна рыфмуецца з сённяшнім днём: «паэзія будняў і святаў несталічнай, але такой блізкай усёй нашай кінематаграфічнай і літаратурнай традыцыі рэчаіснасці». Кінакрытык адзначае, што гледзячы на герояў фільма Віктара Аслюка, у галаву прыходзіць параўнанне з героямі хрэстаматыйнай трылогіі Якуба Коласа «На ростанях»: як і ў творы класіка беларускай літаратуры, маладыя беларускія настаўнікі знаходзяцца адначасова і ў прыпаднята-захопленым, і ў трывожным стане; так і мае аказацца на світанні жыцця і кар’еры.^[1]