Разуха Жэрара

Разу́ха Жэрара^[1][2] (Arabis gerardii) — кветкавая расліна роду Разуха (Arabis) сямейства Капуставыя (Brassicaceae)^[3].

Разуха Жэрара
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Капустакветныя Сямейства:  Капуставыя Трыба:  Arabideae Род:  Разуха Від:  Разуха Жэрара
Міжнародная навуковая назва
Arabis gerardii (Besser) W.D.J.Koch
Сістэматыка на Віківідах Пошук выяў на Вікісховішчы IPNI   278231-1 TPL   tro-4100331

Батанічнае апісанне

Двухгадовая травяністая расліна вышынёй 30—60^[2] см. Сцябло прамое. Лісце простае, чаргаванае. Прыкаранёвае лісце з чаранкамі, сцябловае — сядзячае, са стрэлкападобнай асновай, зубчастае, з вострымі, прыціснутымі да сцябла, вушкамі. Кветкі з чатырма пялёсткамі белага колеру. Плод — бугрысты стручок.

Распаўсюджанне і экалогія

Расліна распаўсюджана на тэрыторыі Еўразіі (у т.л. Сярэдняя і Атлантычная Еўропа, Міжземнамор’е), Каўказ, Сібір. Расце на вільготных лугах, адкрытых схілах, у хмызняках. Цвіце ў красавіку—чэрвені^[2].

На тэрыторыі Беларусі зрэдку сустракаецца на тэрыторыі Гродзенскай вобласці^[2].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 17. — 160 с. — 2 350 экз.
2. Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
3. Разуха Жэрара: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)