Роза Ізраілеўна Гульман

Роза Ізраілеўна Гульман (8 верасня 1923, Рагачоў, Гомельская вобласць — пасля 1988) — беларускі літаратуразнаўца.

Роза Ізраілеўна Гульман
Дата нараджэння	8 верасня 1923(1923-09-08) (102 гады)
Месца нараджэння	Рагачоў, Рагачоўскі павет, Гомельская губерня, РСФСР, СССР
Род дзейнасці	літаратуразнаўства
Месца працы	Настаўніцкая газета Інстытут літаратуразнаўства НАНБ
Альма-матар	БДУ

У Вікіпедыі ёсць артыкулы пра іншых людзей з прозвішчам Гульман.

Біяграфія

Нарадзіўся 8 верасня 1923 года ў Рагачове. З сям’і служачых. Закончыла ў 1941 годзе Гомельскую СШ № 27. Падчас Вялікай Айчыннай вайны эвакуавалася ў Казахскую ССР, дзе ў 1941 г. паступіла на літаратурнае аддзяленне педагагічнага інстытута, у 1943 г. перавялася ў БДУ, які закончыла ў 1945 г. Была залічаная ў аспірантуру БДУ па спецыяльнасці «беларуская літаратура». Адначасова працавала ў рэдакцыі «Настаўніцкай газеты», у 1947—1980 гг. працавала навуковым супрацоўнікам Інстытута літаратуры АН БССР^[1].

Пасля 1988 г., калі выехала з сям’ёй з СССР, біяграфічныя звесткі адсутнічаюць^[1].

Навуковая дзейнасць

Дэбютавала ў друку ў 1950 г. Удзельнічала ў выданні зборнікаў твораў Я. Купалы, М. Лынькова, З. Бядулі і інш. Займалася праблемамі тэксталогіі. Аўтарка кніг «Проблема научного издания литературного наследия Янки Купалы: (Принципы установления авторского текста)» (Мінск, 1965), «У. I. Ленін і некаторыя праблемы выдання спадчыны класікаў літаратуры» (Мінск, 1971), «Стан і задачы купалаўскай тэксталогіі» (Мінск, 1980), шматлікіх літаратуразнаўчых артыкулаў («Беларуская літаратура», «ЛіМ», «Маладосць», «Полымя», «Мінская праўда», «Весці АН БССР», «Зара»)^[1].