Свята-Елісавецінская царква (Зацемень)

Свята-Елісавецінская царква — праваслаўны храм у вёсцы Зацемень Вілейскага раёна Мінскай вобласці. З’яўляецца прыпісным да прыходу Святога Прарока Ільі ў аг. Ілья^[1]. Адзін з двух храмаў у Беларускай Праваслаўнай царкве асвячоны ў гонар Святой Лізаветы^[2].

Праваслаўны храм
Свята-Елісавецінская царква
54°26′56″ пн. ш. 27°26′32″ у. д.HGЯO
Краіна	Беларусь
Вёска	Зацемень
Канфесія	Беларуская праваслаўная царква
Епархія	Маладзечанская епархія
Благачынне	Ільянскае
Архітэктурны стыль	Народнае дойлідства
Першае згадванне	XIX стагоддзе
Статус	дзейнічае
Медыяфайлы на Вікісховішчы

Гісторыя

Па звестках капліца ў Зацемені існавала на мяжы XVIII—XIX стагоддзеў і з'яўлялася прыпісной да Старынкаўскай царквы, што згарэла падчас вайны з Напалеонам^[3].

Пабудавана з дрэва, на могілках. У 1930-х гадах была прыпісной да царквы ў імя Святых Сарака Пакутнікаў Севасційскіх у в. Кастыкі^[4].

У 1989 годзе адрэстаўравана^[1], абкладзена цэглай. 9 кастрычніка 2016 г. асвячона наноў пасля рамонта^[5][6].

Архітэктура

Твор народнага дойлідства. Вырашана прамавугольным у плане аб’ёмам з трохграннай апсідай, двухсхільны дах на якой пераходзіць у вальмавы, завершаны чатырохграннай шатровай званіцай. Фасады прарэзаны прамавугольнымі аконнымі праёмамі, крапаваны вуглавымі лапаткамі.

Зноскі

1. Прыход храма Святой праведнай Елісаветы в. Затемень // Маладзечанская епархія
2. Церковь празднует память пророка Захарии и праведной Елисаветы (руск.) // Sobor.by информационный портал
3. МАЁНТАК СТАРЫНКІ // Шлях перамогі
4. МАЁНТАК КАСТЫКІ // Шлях перамогі
5. В ДЕРЕВНЕ ЗАТЕМЕНЬ НА ВИЛЕЙЩИНЕ ОСВЯЩЕН ХРАМ (руск.) // Афіцыйны партал Беларускай праваслаўнай Царквы
6. ЕПИСКОП ПАВЕЛ ОСВЯТИЛ ПОСЛЕ РЕСТАВРАЦИИ ХРАМ В ВИЛЕЙСКОМ РАЙОНЕ (руск.) // Kraj.by