Свідовец (рака)

Свідовец, Свідоўка, Балотніца, Плотніца (укр.: Свидовець, Свидівка, Болітниця, Плотниця) — рака ў Оўруцкім і Алеўскім раёнах Жытомірскай вобласці Украіны і Лельчыцкім раёне Гомельскай вобласці Беларусі, правы прыток ракі Убарць.

Свідовец
Характарыстыка
Даўжыня	61 км
Басейн	600 км²
Вадацёк
Выток
• Каардынаты	51°26′25″ пн. ш. 28°04′01,44″ у. д.HGЯO
Вусце	Убарць
• Каардынаты	51°44′11,87″ пн. ш. 28°17′49,95″ у. д.HGЯO
Ухіл ракі	1,44 м/км
Размяшчэнне
Водная сістэма	Убарць → Прыпяць → Дняпро → Дняпроўскі ліман[d]
Краіны	Украіна  Беларусь
Рэгіён	Гомельская вобласць
Раён	Лельчыцкі раён
вусце
выток вусце

Гідраграфія

Даўжыня ракі 61 км^[1] (на тэрыторыі Беларусі 16 км). Плошча вадазбору 600 км². Сярэдні нахіл воднай паверхні 1,44 ‰.

Пачынаецца на заходніх схілах Славечанска-Оўруцкага кража паблізу сяла Вусавэ Алеўскага раёна, вусце каля вёскі Картынічы (раней рака ўпадала ў раку Лохніца — прыток Убарці). Рэчышча шырынёй ад 6—8 да 15 м, у верхнім цячэнні і на тэрыторыі Беларусі каналізаванае.

Рака цячэ па лясістай мясцовасці ў межах Палескай нізіны. Даліна невыразная амаль на ўсім працягу. Пойма чаргуецца па берагах, у ніжнім цячэнні суцэльная.

Жыўленне мяшанае. Замярзае ў канцы лістапада, вызваляецца ад лёду ў сакавіку.