Тайнік яйцападобны

Та́йнік яйцападобны^[1] (Listera ovata) — від кветкавых раслін роду Тайнік (Listera) сямейства Архідныя (Orchidaceae).

Тайнік яйцападобны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Спаржакветныя Сямейства:  Архідныя Падсямейства:  Эпідэндравыя Трыба:  Neottieae Падтрыба:  Listerinae Род:  Тайнік Від:  Тайнік яйцападобны
Міжнародная навуковая назва
Listera ovata (L.) Ait. f., 1813
Сістэматыка на Віківідах Выявы на Вікісховішчы ITIS   503503 NCBI   29712 EOL   1137775 GRIN   t:450978 IPNI   641551-1 TPL   kew-114134

Назва

Тайнік авальны, начная цень, дрэмлік^[2].

Батанічнае апісанне

Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Гэта травяністыя расліна з кароткім паўзучым карэнішчам. Сцябло нясе два шырокіх супрацьлеглых ліста, авальнай формы, якія размяшчаюцца амаль гарызантальна.

Сцябло заканчваецца падоўжаным шматкветкавым суквеццем. Кветкі дробныя, зялёна-жаўтаватыя. Форма кветак нагадвае кроплі. Знешнія лісточкі калякветніка зялёныя. Плод — каробачка.

Арэал і экалогія

Арэал віду ахоплівае большую частку Еўропы, Каўказ, Заходнюю Сібір, Малую і Сярэднюю Азію. Тайнік яйкападобны сустракаецца амаль на ўсёй тэрыторыі Беларусі. На тэрыторыі Украіны гэты від распаўсюджаны ў большай частцы. Расце на вільготных месцах у ліставых лясах. Ценевынослівая расліна, мезафіт, мезатроф і эўтроф^[3].