Троцкі павет (Польская Рэспубліка)

У паняцця ёсць і іншыя значэнні, гл. Троцкі павет.

Тро́цкі павет (польск.: Powiat trocki) — адміністрацыйна-тэрытарыяльная адзінка, якая існавала ў складзе Грамадзянскага ўпраўлення Усходніх зямель, у 1920—1922 гадах — Сярэдняй Літвы, а пасля — Віленскай зямлі Польскай Рэспублікі. Адміністрацыйны цэнтр — горад Трокі.

Троцкі павет
польск.: Powiat trocki
Краіна	Сярэдняя Літва Польская Рэспубліка
Статус	Павет
Уваходзіць у	Віленская зямля
Адміністрацыйны цэнтр	Трокі
Найбуйнейшыя гарады	Трокі
Дата скасавання	1923
Насельніцтва (1923)	78 636
Шчыльнасць	35,9 чал./км²
Плошча	2 191 км²

Да Першай сусветнай вайны Троцкі павет уваходзіў у склад Віленскай губерні Расійскай імперыі.

У 1921 годзе без афіцыйнага акту Троцкі павет быў аб’яднаны з Віленскім паветам у адзін Віленска-Троцкі павет^[1]. Аднак яшчэ ва ўрадавых дакументах, у тым ліку ў Законе ад 6 красавіка 1922 года аб далучэнні Віленшчыны да Польшчы, ён фігураваў як самастойная адзінка^[2]. Паводле іншых звестак, аб’яднанне адбылося паміж 1923 і 1924 гадамі^[3].

Дэмаграфія

У снежні 1919 года ў Троцкім павеце Віленскай акругі Цывільнага ўпраўлення Усходніх зямель пражывала 92 831 чалавек. На яго тэрыторыі знаходзіўся 1231 населены пункт, з якіх 6 мелі звыш 1000 жыхароў. Найбуйнейшым быў горад Трокі з 1886 жыхарамі^[4].

Адукацыя

У 1919/1920 навучальным годзе ў Троцкім павеце дзейнічалі 68 усеагульных школ, у якіх навучалася 3920 дзяцей і працавалі 94 настаўнікі^[5].