Трысцянка

Трысця́нка^[1], святлуха^[1] (Scolochloa) — манатыпны род кветкавых раслін сямейства Метлюжковыя (Poaceae). Адзіны прадстаўнік роду — Трысцянка аўсяніцападобная (Scolochloa festucacea).

Трысцянка
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Poeae Падтрыба:  Трысцянкавыя (Scolochloinae Tzvelev, 1987) Род:  Трысцянка
Міжнародная навуковая назва
Scolochloa Link, 1827
Сінонімы
Fluminia Fr.
Адзіны від
Scolochloa festucacea — Трысцянка аўсяніцападобная
Сістэматыка на Віківідах Выявы на Вікісховішчы ITIS   41349 NCBI   375857 EOL   1114744 IPNI   421150-1 TPL   kew-441710

Батанічнае апісанне

1. Трысцянка аўсяніцападобная (Scolochloa festucacea).
Батанічная ілюстрацыя Якаба Штурма з кнігі «Deutschlands Flora in Abbildungen», 1796

Шматгадовая травяністая светла-зялёная расліна вышынёй 70—200^[1] см, з паўзучым карэнішчам. Сцябло прамастойнае, злёгку шурпатае, са шматлікімі парасткамі ў ніжняй частцы. Лісце простае, суцэльнае, лінейна-ланцэтнае, завостранае, з гладкім шурпатым краем, сядзячае. Суквецце — рыхлая мяцёлка даўжынёй да 30^[1] см. Кветкавыя каласкі складаюцца з 3—6^[1] кветак, апушаныя. Калякветнік непрыкметны. Плод — зярняўка жоўтага колеру.

Распаўсюджанне і экалогія

Расліна распаўсюджана на тэрыторыі Еўразіі і Паўночнай Амерыкі^[1]. Расце па берагах вадаёмаў, на балотах, забалочаных лугах. Іншы раз утварае зараснікі. Цвіце ў чэрвені—ліпені.

Ахоўваецца на тэрыторыі Літвы, Латвіі, шэрагу рэгіёнаў Расіі і Украіны^[2].

Зноскі

1. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
2. Тростянка овсяницевидная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)