Уладзімір Ільіч Вітко

У Вікіпедыі ёсць артыкулы пра іншых людзей з прозвішчам Вітко.

Уладзі́мір Ільіч Вітко́ (10 мая 1933, Грэск, Мінская вобласць — 7 красавіка 2020, в. Гольчыцы, Слуцкі раён) — беларускі мастак.

Уладзімір Ільіч Вітко
Дата нараджэння	10 мая 1933(1933-05-10)
Месца нараджэння	Грэск, Грэскі сельсавет, Слуцкі раён, Беларуская ССР, СССР
Дата смерці	7 красавіка 2020(2020-04-07) (86 гадоў)
Месца смерці	Гольчычы, Першамайскі сельсавет, Слуцкі раён, Мінская вобласць, Беларусь
Месца пахавання	Грэск
Грамадзянства	СССР  Беларусь
Род дзейнасці	мастак
Месца працы	Класіка індустрыі моды Віцебскі камбінат шоўкавых тканін Віцебскі мастацка-вытворчы камбінат[d]
Жанр	партрэт, пейзаж, нацюрморт, тэматычная карціна
Вучоба	Мінскае мастацкае вучылішча
Вядомыя працы	«Стары Віцебск» (1988), «Беларускі пейзаж» (1978)
Член у	Беларускі саюз мастакоў

Біяграфія

Нарадзіўся 10 мая 1933 года ў вёсцы Грэск Магілёўскай вобласці. Скончыў Мінскае мастацкае вучылішча ў 1960 годзе^[1]. Праз год пераехаў у Віцебск, дзе працаваў мастаком спачатку на фабрыцы «КІМ», затым на шаўковым камбінаце, а ў 1968 годзе перайшоў у Віцебскія мастацка-вытворчыя майстэрні.

Удзельнічаў у мастацкіх выставах з 1964 года^[1].

Член Беларускага саюза мастакоў з 1975 года. Жыў у Віцебску^[1].

Творчасць

Працуе пераважна ў галіне станковага жывапісу, у жанрах лірычнага пейзажа і карціны^[1]. Для творчасці мастака характэрна жанравая разнастайнасць. Аўтар пейзажаў, выкананых пераважна ў тэхніцы алейнага жывапісу — «Стары Віцебск» (1988), «Мой дом» (1987), адлюстраванне жыцця прыроды — «Квітнеюць лугі» (1984), «Беларускі пейзаж» (1978), нацюрмортаў — «Кветкі» (1988), партрэтаў — «Партрэт маці» (1978), займаецца сюжэтна-тэматычнай кампазіцыяй — «Спартыўны дзень» (1979). Для жывапіснай манеры мастака характэрнымі з’яўляюцца арыгінальнасць і смеласць каларыту, імкненне да абагульнення форм, дэкаратыўнай гучнасці, альбо, наадварот, наўмыснай прыглушанасці колеру.

Творы мастака захоўваюцца ў Нацыянальным мастацкім музеі Беларусі, Дырэкцыі мастацкіх выставак, Музеі сучаснага выяўленчага мастацтва (усе — Мінск), у Віцебскім мастацкім музеі, краязнаўчых музеях Наваполацка, Слуцка, у Музеі сучаснага выяўленчага мастацтва г. Шчэціна, а таксама ў іншых прыватных і дзяржаўных зборах Польшчы, Германіі, Італіі^[2].

Выстаўкі

20 студзеня 2016 года ў Віцебскай абласной бібліятэцы адбылося адкрыццё выстаўкі Уладзіміра Вітко і прэзентацыя яго кнігі «Лёс і мастацтва»^[3].