Францішак Леапольдавіч Вярэнька

Францішак Леапольдавіч Вярэнька (15 сакавіка 1862, маёнтак Пуцілкавічы, цяпер вёска ва Ушацкім раёне, Віцебская вобласць — 4 сакавіка 1892) — беларускі археолаг і краязнавец^[1].

Францішак Леапольдавіч Вярэнька
Дата нараджэння	15 сакавіка 1862(1862-03-15)
Месца нараджэння	Пуцілкавічы, Барысаўскі павет, Мінская губерня, Расійская імперыя
Дата смерці	4 сакавіка 1892(1892-03-04) (29 гадоў)
Род дзейнасці	археолаг, краязнавец
Навуковая сфера	краязнаўства, археалогія
Альма-матар	Мінская мужчынская гімназія (1881) Варшаўскі ўніверсітэт (1887)
Узнагароды	залаты медаль

Біяграфія

Скончыў гімназію ў Мінску (1881 г.), Варшаўскі ўніверсітэт (1887 г.). У 1886 г. за навуковую працу па народнай медыцыне ўзнагароджаны залатым медалём. Запісваў легенды і паданні роднага краю. У ваколіцы в. Пуцілкавічы выявіў 9 гарадзішчаў жалезнага веку (каля вёсак Гваздв, Вялікія Бірукі) і каля 50 курганных могільнікаў, селішчы каля вёсак Малыя Дольцы і Афераўшчына; у курганна-жальнічным могільніку раскапаў 36 пахаванняў^[1].

Навуковая дзейнасць

Рукапісы прац пра гэтыя даследаванні «Курганы ў Пуцілкавічах» і «Курганы і два дагістарычныя пасяленні ў Пуцілкавічах», археалагічныя карты і частка раскопак зберагаюцца ў Археалагічным музеі Кракава  (польск.)^[1].

Зноскі

1. Веренько Франциск // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 110. — 737 с.