Фрыдрых Любкер

Фры́дрых Ге́нрых Хрысція́н Лю́бкер (ням.: Friedrich Heinrich Christian Lübker, 18 жніўня 1811, Гузум — 10 кастрычніка 1867, Фленсбург) — нямецкі класічны філолаг і педагог.

Фрыдрых Любкер
ням.: Friedrich Heinrich Christian Lübker
Імя пры нараджэнні	ням.: Friedrich Heinrich Christian Lübker
Род дзейнасці	філолаг-класік, педагог
Дата нараджэння	18 жніўня 1811(1811-08-18)[1]
Месца нараджэння	Гузум, Шлезвіг, Данія, Каралеўства Данія[1]
Дата смерці	10 кастрычніка 1867(1867-10-10)[1] (56 гадоў)
Месца смерці	Фленсбург, Каралеўства Прусія
Грамадзянства	Шлезвіг  Каралеўства Прусія
Бацька	Дэтлеф Лорэнц Любкер[d]
Месца працы	HU Berlin Hermann Tast School[d] Grosse Stadtschule zu Wismar[d] Domschule Schleswig[d] Altes Gymnasium[d] Friedrich-Franz-Gymnasium zu Parchim[d]
Альма-матар	Універсітэт імя Хрысціяна Альбрэхта HU Berlin
Медыяфайлы на Вікісховішчы

Біяграфія

З 12 гадоў Любкер навучаўся ў школе Германа Таста  (ням.) ў Гузуме. У 1826 годзе ва ўзросце 16 гадоў ён пачаў вывучаць філалогію і тэалогію ва ўніверсітэце Кіла. У 1830 годзе Любкер працягнуў сваё навучанне ў Берлінскім універсітэце. У 1832 годзе ён атрымаў у Кілі ступень доктара філасофіі.

Фрыдрых Любкер пачаў сваю кар’еру ў якасці памочніка выкладчыка ў Гузумскай гімназіі  (ням.), а затым працаваў першым выкладчыкам у Бурместэрскім прыватным інстытуце ў Гамбургу. У 1834 годзе ён выкладаў у гарадской гімназіі  (ням.) ў Вісмары. У 1835 годзе працаваў намеснікам дырэктара ў саборнай школе  (ням.) ў Шлезвігу.

У 1848 годзе часовым урадам зямлі Шлезвіг-Гольштэйн прызначаны рэктарам Старой гімназіі  (ням.) ў Фленсбургу, а ў 1850 годзе пазбавіўся пасады па распараджэнні дацкага ўрада. Пазней працаваў рэктарам у Плёне. У 1850—1851 гадах быў членам Нацыянальнага сходу і ўваходзіў у Камісію па стварэнні закона аб адукацыі.

У 1851 годзе Любкер быў прызначаны дырэктарам гімназіі ў Пархіме. У 1860 годзе атрымаў ступень ганаровага доктара багаслоўя Гётынгенскага ўніверсітэта. У 1863 годзе па ўласным жаданні склаў з сябе абавязкі дырэктара і пераехаў з Пархіма ў Браўншвайг, дзе заняўся навуковай працай. У 1864 годзе запрошаны ўладамі Шлезвіг-Гольштэйна для рэарганізацыі сістэмы сярэдняй адукацыі. Пазней быў прызначаны дырэктарам гімназіі ў Фленсбургу.

Сачыненні

Найбольш вядомай^[2] працай Любкера з’яўляецца «Рэальны слоўнік класічных старажытнасцей», выдадзены ў 1855 годзе. Таксама ім напісаны працы па філалогіі, багаслоўю і педагогіцы:

• Zum religiösen Bewußtsein bei den Hellenen, 1849
• Die Sophokleische Theologie und Ethik, 1851—1855
• Schriften zur Philologie und Pädagogik, 1852—1858
• Beiträge zur Theologie und Ethik des Euripides, 1863
• Propyläen zu einer Theologie des classischen Alterthums, in den Studien und Kritiken, 1861
• Vorträge über Bildung und Christenthum, 1863
• Grundzüge der Erziehung und Bildung für daß deutsche Haus, 1865

Любкерам напісана мноства біяграфій, напрыклад, да пратэстанцкага календара ім былі напісаны біяграфіі Рабана Маўра, Алкуіна і інш.

• Lebensbilder aus dem letztverflossenen Jahrhundert deutscher Wissenschaft und Litteratur, 1862
• G. W. Nitzsch nach seinem Leben und Wirken, 1864
• Julian der Abtrünnige, 1864

Зноскі

1. Carstens Lübker, Friedrich Heinrich Christian // Allgemeine Deutsche Biographie — L: 1884. — Т. 19. — S. 331–333.

   <a href='https://wikidata.org/wiki/Track:Q27584629'></a><a href='https://wikidata.org/wiki/Track:Q2079'></a><a href='https://wikidata.org/wiki/Track:Q19973741'></a><a href='https://wikidata.org/wiki/Track:Q1045533'></a><a href='https://wikidata.org/wiki/Track:Q590208'></a>
2. Любкер // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.