Хмяльніцкі сельсавет

Хмяльні́цкі сельсаве́т — былая адміністрацыйна-тэрытарыяльная адзінка ў складзе Гарадоцкага раёна Віцебскай вобласці Беларусі. Адміністрацыйны цэнтр — вёска Хмяльнік.

Хмяльніцкі сельсавет
Краіна	Беларусь
Уваходзіць у	Гарадоцкі раён
Уключае	19 населеных пунктаў
Адміністрацыйны цэнтр	Хмяльнік
Дата ўтварэння	20 жніўня 1924
Дата скасавання	8 красавіка 2004
Насельніцтва	427 чал. (1999)
Код аўтам. нумароў	2

Утвораны 20 жніўня 1924 года як Палоўскі сельсавет у складзе Мяжанскага раёна Віцебскай акругі БССР. Цэнтр — вёска Палова. Пасля скасавання акруговай сістэмы з 26 ліпеня 1930 года ў Мяжанскім раёне БССР. З 8 ліпеня 1931 года ў складзе Суражскага раёна, з 20 лютага 1938 года — Віцебскай вобласці. 16 ліпеня 1954 года сельсавет перайменаваны ў Хмяльніцкі, цэнтр перанесены ў вёску Хмяльнік^[1]. 12 мая 1959 года ў склад Шабраўскага сельсавета перададзены 4 населеныя пункты (Аляксеева, Баркі, Новае Масцішча і Палавейскае)^[2]. З 20 студзеня 1960 года ў Езярышчанскім раёне, з 25 снежня 1962 года ў Гарадоцкім раёне. 3 ліпеня 1970 года да сельсавета далучана тэрыторыя скасаванага Шабраўскага сельсавета^[3]. На 1 студзеня 1974 года ў складзе Хмяльніцкага сельсавета 33 населеныя пункты^[4]. 7 жніўня 1979 года скасаваны вёскі Варылкі (злілася з вёскай Свабода), Гарэліца, Сачнёва (зліліся з вёскай Лыськава), Марозаўцы (злілася з вёскай Селязні), Панізоўе, Плоскаш (зліліся з вёскай Вірок), Пуды (злілася з вёскай Бярозаўка), Трасцё (злілася з вёскай Забарочча)^[5], у 1987 годзе вёскі Бярозаўка і Шапеча^[6]. 8 красавіка 2004 года сельсавет скасаваны, тэрыторыя далучана да Мяжанскага сельсавета^[7].

На момант скасавання ў склад сельсавета ўваходзілі 19 вёсак: Азёркі, Альхавец, Аляксеева, Баркі, Бярозаўка, Вірок, Двухполле, Забарочча, Зімнік, Карабы, Лыськава, Палавейскае, Савецкая, Свабода, Селязні, Ствалкова, Украішча, Хацейка, Хмяльнік.