Юдзіта Пржэмыслаўна

Юдзіта Пржэмыслаўна (чэшск.: Judita Česká, Judita Přemyslovna), (каля 1202 — 2 чэрвеня 1230 года) — чэшская прынцэса з роду Пржэмыславічаў, дачка чэшскага караля Пржэмысла Отакара I і Канстанцыі. Жонка карынтыйскага герцага Бернарда.

Юдзіта Чэшская
Judita Česká
герцагіня Карынтыі 1213 — 1230
Папярэднік	Агнеса Бабенберг
Пераемнік	Агнеса Меранская
Нараджэнне	1201 Прага, Каралеўства Багемія
Смерць	2 чэрвеня 1230
Месца пахавання	Кляштар Костаньевіца[d]
Род	Пржэмысловічы
Бацька	Пржэмысл Отакар I
Маці	Канстанцыя Венгерская[d]
Муж	Бернард[1]
Дзеці	Philip of Carinthia[d] і Ульрых III[2]
Веравызнанне	хрысціянства

Паходжанне

Юдзіта была старэйшай дачкой караля Чэхіі Пржэмысла Отакара I і яго другой жонкі Канстанцыі Венгерскай. Па бацькаўскай лініі яна даводзілася ўнучкай чэшскаму князю Уладзіславу II, удзельніку Другога крыжовага паходу, які атрымаў у 1158 годзе спадчынны каралеўскі тытул ад Фрыдрыха Барбаросы за ўдзел у яго паходах, і Юдзіце Цюрынгскай. Па матчынай лініі была ўнучкай караля Венгрыі Белы III і антыяхійскай князёўны Агнесы.

Шлюб і дзеці

Бернард Карынтыйскі — муж Юдзіты

У 1213 годзе Юдзіта выйшла замуж за герцага карынтыйскага Бернарда. Сярэдневяковы храніст Іаан з Віктрынга, які быў капеланам і сакратаром у Генрыха Харутанскага, звязваў іх шлюб з рамантычнай гісторыяй кахання з першага позірку.

У шлюбе Юдзіты і Бернарда было чацвёра дзяцей:

• Ульрых III (герцаг Карынтыі)
• Філіп
• Маргарыта
• Бернард

Імаверна, Юдзіта памерла пры родах сына Бернарда ў 1230 годзе.

Зноскі

1. (unspecified title) Праверана 7 жніўня 2020.
2. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>