Ульрых III (герцаг Карынтыі)

У паняцця ёсць і іншыя значэнні, гл. Ульрых.

Ульрых III (ням.: Ulrich III; каля 1220 — 27 кастрычніка 1269) — герцаг Карынтыі ў 1256—1269 гадах і Крайны (з 1248/1251 года), апошні прадстаўнік дынастыі Шпангаймаў.

Ульрых III
ням.: Ulrich III
Частка кавалерыйскай пячаткі Герцага Ульрыха III
21-ы Герцаг Карынтыі 1256 — 1269
Папярэднік	Бернард
Пераемнік	Пржэмысл Отакар II
Спадчыннік	Пржэмысл Отакар II
13-ы Герцаг Крайны 1248/1251 — 1269
Папярэднік	Фрыдрых II
Пераемнік	Пржэмысл Отакар II
Нараджэнне	1220[1] Чывідале-дэль-Фрыулі, regional decentralization entity of Udine[d], Фрыулі-Венецыя-Джулія, Італія[1]
Смерць	27 кастрычніка 1269(1269-10-27) Чывідале-дэль-Фрыулі, regional decentralization entity of Udine[d], Фрыулі-Венецыя-Джулія, Італія
Месца пахавання	Фрыулі-Венецыя-Джулія
Род	Шпангаймы
Бацька	Бернард[2]
Маці	Юдзіта Пржэмыслаўна[2]
Жонка	Agnes of Merania[d][3] і Agnes of Baden[d][4]
Дзеці	Friedrich von Heunburg[d]
Медыяфайлы на Вікісховішчы

Біяграфія

Ульрых III быў сынам Бернарда, герцага Карынтыі ў 1201—1256 гадах, і Юдзіты Чэшскай, дачкі чэшскага караля Пржэмысла Отакара I. Ульрых III выхоўваўся ў Празе пры двары чэшскага караля. Карынтыйска-чэшскі саюз, закладзены яшчэ Бернардам Шпангаймам быў арыентаваны на супрацьстаянне росту аўстрыйскага ўплыву ў рэгіёне. Пасля смерці ў 1246 годзе Фрыдрыха II, герцага Аўстрыі, малады Ульрых ажаніўся з яго ўдавой Агнесай Меранскай, спадчынніцай зямель Андэкскай дынастыі. Гэта дазволіла Ульрыху III у 1248 годзе атрымаць прастол герцагства Крайны.

Герб Карынтыі

Пасля смерці свайго бацькі ў 1256 годзе Ульрых стаў герцагам Карынтыі. Аб’яднанне Карынтыі і Крайны і трывалы саюз з Чэхіяй дазволіла Ульрыху III значна ўмацаваць міжнародны аўтарытэт дзяржавы. Пра амбіцыі карынтыйскага герцага сведчыць той факт, што ў якасці свайго герба ён стаў выкарыстоўваць «трох швабскіх ільвоў» на залатым полі — геральдычны сімвал, які ўзыходзіць да Беатрысы Швабскай, жонкі Адальбера, герцага Карынтыі ў 1011—1035 гадах, якая паходзіла з імперскага роду Каралінгаў. Гэты сімвал дагэтуль з’яўляецца гербам Карынтыі.

У канфліктах за аўстрыйскую спадчыну, якія пачаліся пасля згасання ў 1246 годзе дынастыі Бабенбергаў, Ульрых III падтрымліваў караля Чэхіі. Пасля смерці сваёй першай жонкі Ульрых ажаніўся з Агнесай Царынген, дачкой аўстрыйскага герцага Германа Бадэнскага, што давала магчымасць прэтэндаваць на аўстрыйскі прастол, аднак Ульрых III не стаў умешвацца ў барацьбу за аўстрыйскую карону, абмежаваўшыся толькі падтрымкай чэшскага прэтэндэнта. Больш за тое, у 1268 годзе Ульрых завяшчаў свае ўладанні і прастол герцагства Карынтыя каралю Чэхіі Пржэмыслу Отакару II, свайму пляменніку, адхіліўшы ад успадкоўвання свайго малодшага брата Філіпа, архібіскупа Зальцбургскага.

Са смерцю Ульрыха III у 1269 годзе згасла дынастыя Шпангаймаў на карынтыйскім прастоле. Разам з гэтым Карынтыя страціла незалежнасць і ўвайшла ў склад уладанняў чэшскага караля.

Шлюб і дзеці

• Агнеса Меранская (пам. 1260), дачка Атона I, герцага Меранскага:

Генрых (пам. 1263)

• (1263) Агнеса Царынген (1250—1295), дачка Германа Бадэнскага, герцага Аўстрыі

Зноскі

1. CERL Thesaurus — Consortium of European Research Libraries. Праверана 9 ліпеня 2019.

   <a href='https://wikidata.org/wiki/Track:Q60909659'></a><a href='https://wikidata.org/wiki/Track:Q1127581'></a>
2. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
3. (unspecified title) Праверана 1 красавіка 2021.
4. (unspecified title) Праверана 7 жніўня 2020.

Папярэднік  Бернард	герцаг Карынтыі  1256—1269	Пераемнік Пржэмысл Отакар II
Папярэднік  Фрыдрых II	герцаг Крайны  1248—1269