Юрый Уладзіміравіч Васільцоў

Юрый Уладзіміравіч Васільцоў (нар. 13 студзеня 1982, в. Гусявіца, Буда-Кашалёўскі раён, Гомельская вобласць) — беларускі заатэхнік, член Савета Рэспублікі Нацыянальнага сходу Рэспублікі Беларусь з 2024 года.

Юрый Уладзіміравіч Васільцоў
член Савета Рэспублікі Нацыянальнага сходу Рэспублікі Беларусь 8-га склікання[d] з 2024
Нараджэнне	13 студзеня 1982(1982-01-13) (43 гады) Старая Гусявіца, Гусявіцкі сельсавет, Буда-Кашалёўскі раён, Гомельская вобласць, Беларуская ССР, СССР
Адукацыя	Віцебская дзяржаўная акадэмія ветэрынарнай медыцыны Беларуская дзяржаўная сельскагаспадарчая акадэмія
Узнагароды	Ганаровая грамата Міністэрства сельскай гаспадаркі і харчавання Рэспублікі Беларусь[d] Чалавек года Гомельшчыны[d]

У Вікіпедыі ёсць артыкулы пра іншых людзей з прозвішчам Васільцоў.

Біяграфія

Нарадзіўся 13 студзеня 1982 года ў вёсцы Гусявіца Буда-Кашалёўскага раёна Гомельскай вобласці^[1].

Скончыў Віцебскую дзяржаўную акадэмію ветэрынарнай медыцыны па спецыяльнасці «Заатэхнія» і Беларускую дзяржаўную сельскагаспадарчую акадэмію па спецыяльнасці «Кіраванне арганізацыямі і падраздзяленнямі АПК»^[1].

Працаваў заатэхнікам-селекцыянерам, галоўным заатэхнікам, начальнікам жывёлагадоўчага комплексу «Навасёлкі»; намеснікам дырэктара па жывёлагадоўлі, намеснікам дырэктара па вытворчасці адкрытага акцыянернага таварыства «Ціхінічы» Рагачоўскага раёна Гомельскай вобласці; дырэктарам камунальнага сельскагаспадарчага ўнітарнага прадпрыемства «Чырвоная Армія» Рагачоўскага раёна Гомельскай вобласці^[1]. Дырэктар адкрытага акцыянернага таварыства «Ціхінічы» Рагачоўскага раёна Гомельскай вобласці^[1].

Дэлегат VII Усебеларускага народнага сходу^[2].

У 2024 годзе стаў членам Савета Рэспублікі Нацыянальнага сходу Рэспублікі Беларусь VIII склікання ад Гомельскай вобласці, высунуты ад Кармянскага, Рагачоўскага і Чачэрскага раёнаў. Член Пастаяннай камісіі Савета Рэспублікі Нацыянальнага сходу Рэспублікі Беларусь па рэгіянальнай палітыцы і мясцовым самакіраванні^[1].

Узнагароды

Узнагароджаны медалём за «За працоўныя заслугі», ганаровымі граматамі Кіраўніцтва справамі Прэзідэнта Рэспублікі Беларусь, Міністэрства сельскай гаспадаркі і харчавання, Рагачоўскага раённага Савета дэпутатаў, рэспубліканскага ўнітарнага прадпрыемства "Кіруючая кампанія холдынгу «Аграпрамысловы холдынг Кіраўніцтва справамі Прэзідэнта Рэспублікі Беларусь»^[1].

Узнагароджаны ганаровым званнем «Чалавек года» Гомельскай вобласці ў намінацыі «Кіраўнік»^[1].