Яўген Іванавіч Сярмяжка

Яўген Іванавіч Сярмя́жка^[3] (2 мая 1934(1934-05-02)^[1], Пружанка, Бярэзінскі раён^[1] — 15 мая 2012(2012-05-15)^[2]) — беларускі вучоны ў галіне педагогікі, кандыдат педагагічных навук (1967), прафесар (1990). Выдатнік народнай адукацыі БССР (1982). Член-карэспандэнт Беларускай акадэміі адукацыі (1998)^[4].

Яўген Іванавіч Сярмяжка
Дата нараджэння	2 мая 1934(1934-05-02)[1]
Месца нараджэння	Пружанка, Бярэзінскі сельсавет, Бярэзінскі раён, Беларуская ССР, СССР[1]
Дата смерці	15 мая 2012(2012-05-15)[2] (78 гадоў)
Месца пахавання	Слаўгарад
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	педагогіка
Месца працы	Гродзенскі дзяржаўны ўніверсітэт імя Янкі Купалы МДУ імя А. А. Куляшова
Навуковая ступень	кандыдат педагагічных навук[1] (1967)
Навуковае званне	прафесар (1990)[1]
Альма-матар	Полацкі педагагічны інстытут (1957)
Член у	Беларуская акадэмія адукацыі
Узнагароды	Выдатнік народнай адукацыі БССР[d] (1982)

Біяграфія

Нарадзіўся 2 мая 1934 года ў вёсцы Пружанка Бярэзінскага раёна^[3] ў сям’і настаўніка.

У 1953 годзе скончыў Воранаўскую сярэднюю школу Мінскай вобласці^[5]. У 1957 годзе скончыў філалагічны факультэт Полацкага педагагічнага інстытута па спецыяльнасці «Руская мова і літаратура»^[4]. Працоўную дзейнасць дзейнасць пачынаў настаўнікам Жодзішскай сярэдняй школы Смаргонскага раёна Гродзенскай вобласці^[6]. У 1967 годзе скончыў аспірантуру Мінскага дзяржаўнага педагагічнага інстытута імя А. М. Горкага па спецыяльнасці «Педагогіка»^[4]. У 1965—1974 і 1976—1980 гадах працаваў у Гродзенскім педагагічным інстытуце імя Янкі Купалы. У 1974—1976 гадах знаходзіўся ў камандзіроўцы на Кубе, дзе быў саветнікам-кансультантам Міністэрства адукацыі Рэспублікі Куба.

Са снежня 1979 года па 2012 год працаваў у Магілёўскім дзяржаўным універсітэце імя Аркадзя Куляшова, спачатку — загадчыкам кафедры педагогікі (1979—1993), затым — прафесарам кафедры педагогікі (1993—2012)^[7].

Памёр 15 мая 2012 года^[7]. Пахаваны ў Слаўгарадзе^[8].

Навуковая дзейнасць

Я. І. Сярмяжка — аўтар і сааўтар больш за 130 навуковых прац, у тым ліку манаграфій^[6], па беларускай народнай педагогіцы, праблемах сямейнага выхавання і падрыхтоўкі педагагічных кадраў^[9].

Сярод апублікаванага:

• Отец как воспитатель. Воспитание в семье — Материалы для докладов, лекций и т. п. — Минск: О-во «Знание» БССР, 1981. — 18 с.; 20 см;
• Подумаем вместе : задания и упражнения / Е. И. Сермяжко. — Минск : Народная асвета, 1984. — 126, [2] с. — (Семейная педагогика);
• Сермяжко Е. И., Овчинников Р. Н. Учителю-стажеру : Некоторые пед. рекомендации. — 2-е изд., доп., с изм. — Минск : Народная асвета, 1985. — 128 с. ; 16 см;
• Настольная книга родителей: хрестоматия по семейному воспитанию / Составители: В. В. Чечет, Е. И. Сермяжко — Мн.: Народная асвета, 1987. — 173, [2] с. ; 20 см;
• Методические рекомендации по организации работы с родителями — 3-е изд., исправленное и дополненное / Кривоносова И. Г., Сермяжко Е. И. — Гродно : ГрГУ, 1990. — 22, [1] с. : табл. ; 20 см;
• Праблемы дзяцей у сям’і / Я. І. Сярмяжка, Б. В. Стральцоў — Мн.: Народная асвета, 1993. — 78, [2] с. ; 20 см;
• Нарысы педагагічнай думкі беларускага народа / Сярмяжка, Я. І., Паўлава Л. П., Зайцава Л. Г., Петухова Л. Л., Баранаў Г. А., Гадунова Т. Ю., Глякава М. Д., Сямёнава, В. В. — Магілёў: Магілёўскі дзяржаўны педагагічны інстытут, 1995. — 131 с. ; 20 см;
• Семейная педагогика в вопросах и ответах: пособие для педагогических специальностей высших учебных заведений / Е. И. Сермяжко — Могилёв : МГУ, 2001. — 125, [2] с. ; 20 см. — ISBN 985-6586-50-X;
• Основы учительской профессии: [пособие] / Баранов Г. А., Веракса, З. В., Сермяжко, Е. И.; Министерство образования Республики Беларусь, Могилевский государственный университет им. А. А. Кулешова — Могилёв : МГУ, 1998. — 96 с. ; 20 см.