Яўген Антонавіч Аляхновіч

У Вікіпедыі ёсць артыкулы пра іншых людзей з прозвішчам Аляхновіч.

Яўген Антонавіч Аляхновіч (20 мая 1920 — 13 студзеня 1945) — старшы лейтэнант Чырвонай Арміі, камандзір штурмавой авіяцыйнай эскадрыллі ў гады Вялікай Айчыннай вайны, Герой Савецкага Саюза^[1] (27 чэрвеня 1945 года; «за ўзорнае выкананне баявых заданняў камандавання на фронце барацьбы з нямецка-фашысцкімі захопнікамі і праяўленыя пры гэтым мужнасць і гераізм»).

Яўген Антонавіч Аляхновіч
Дата нараджэння	20 мая 1920(1920-05-20)
Месца нараджэння	Troitsko-Khartsyzk[d], Khartsyzk City council[d], Данецкая вобласць, УССР
Дата смерці	13 студзеня 1945(1945-01-13) (24 гады)
Месца смерці	Польшча
Грамадзянства	СССР
Прыналежнасць
Род войскаў	ВПС
Гады службы	1940—1945
Званне	старшы лейтэнант
Часць	1-ы Украінскі фронт 2-я паветраная армія 8-я гвардзейская штурмавая авіяцыйная дывізія 142-і гвардзейскі штурмавы авіяцыйны полк
Пасада	камандзір эскадрыллі
Бітвы/войны	Другая сусветная вайна, Вялікая Айчынная вайна: Курская бітва, Львоўска-Сандамірская аперацыя
Узнагароды і званні

Біяграфія

Нарадзіўся 20 мая 1920 года ў вёсцы Троіцка-Харцызк, цяпер пгт. Троіцка-Харцызк Харцызкага раёна Данецкай вобласці Украіны, у сям’і рабочага. Беларус.

Адукацыя сярэдняя.

У Чырвонай Арміі з 1940 года. У 1943 годзе скончыў Варашылаўградскую ваенна-авіяцыйную школу. Член ВКП(б) з 1943 года.

Удзельнік Вялікай Айчыннай вайны з ліпеня 1943 года. Ваяваў на Стэпавым, 2-м і 1-м Украінскім франтах^[1], удзельнічаў у Курскай бітве.

Камандзір эскадрыллі 142-га гвардзейскага штурмавога авіяцыйнага Сандамірскага ордэна Багдана Хмяльніцкага палка (8-я гвардзейская штурмавая авіяцыйная Палтаўская дывізія, 1-ы гвардзейскі штурмавы авіяцыйны корпус, 2-я паветраная армія, 1-ы Украінскі фронт) гвардыі старшы лейтэнант Яўген Аляхновіч здзейсніў 165 баявых вылетаў на разведку і бомбава-штурмавыя ўдары па жывой сіле і тэхніцы праціўніка^[1]. Збіў 4 варожых самалёта.

13 студзеня 1945 года ў баях за вызваленне Польшчы быў падбіты і накіраваў свой падпалены самалёт на зенітную батарэю ворага.

Узнагароды

• Указам Прэзідыума Вярхоўнага Савета СССР ад 27 чэрвеня 1945 года за ўзорнае выкананне баявых заданняў камандавання на фронце барацьбы з нямецка-фашысцкімі захопнікамі і праяўленыя пры гэтым мужнасць і гераізм, гвардыі старэйшаму лейтэнанту Яўгену Антонавічу Аляхновічу пасмяротна прысвоена званне Героя Савецкага Саюза.
• Узнагароджаны ордэнам Леніна, двума ордэнамі Чырвонага Сцяга, ордэнам Айчыннай вайны 1-й ступені, ордэнам Чырвонай Зоркі, медалямі.

Памяць

• Помнік у горадзе Зугрэс Харцызскага гарсавета Данецкай вобласці, Украіна (усталяваны ў 1967 годзе)^[1].
• Вуліцы Аляхновіча ў гарадах Харцызск і Зугрэс^[1].
• Школа імя Аляхновіча ў горадзе Зугрэс.

Зноскі

1. Алексютович Константин Андреевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 19. — 737 с..