Зарэчча (Рэчыцкі раён)

У паняцця ёсць і іншыя значэнні, гл. Зарэчча.

Зарэчча^[2] (трансліт.: Zarečča)  — гарадскі пасёлак у Рэчыцкім раёне Гомельскай вобласці Беларусі. Размешчаны за 18 км на паўночны захад ад Рэчыцы, за 1 км ад аўтадарогі Бабруйск — Рэчыца. Насельніцтва 2 226 чал. (2017)^[3].

Гарадскі пасёлак Зарэчча Цэнтральная пляцоўка Краіна Беларусь Вобласць Гомельская Раён Рэчыцкі Каардынаты 52°26′ пн. ш. 30°05′ у. д.HGЯO Гарадскі пасёлак з 1995 Плошча 0,553 469 км² Насельніцтва ▼2 015 чал. (1 студзеня 2024)[1] Часавы пояс UTC+3 Тэлефонны код +375 2340 Паштовыя індэксы 247526 Аўтамабільны код 3 СААТА 3245560000 Зарэчча на карце Беларусі ±

Зарэчча на Вікісховішчы

Гісторыя

Паселішча заснавалі ў 1957 годзе над назвай Гомель-30. У тыя часы тут знаходзілася вайсковая ракетная часць. Раней у ваколіцах паселішча знаходзіліся хутары Пагарэльцы, Падбаб’е і іншыя.

2 сакавіка 1995 года Вярхоўны Савет Рэспублікі Беларусь прыняў пастанову аб наданні новаму населенаму пункту ў Рэчыцкім раёне назвы Зарэчча і аднясення яго да катэгорыі гарадскіх пасёлкаў.

Забудова

Размешчаны сярэдняя школа, бібліятэка, бальніца, дзіцячы сад.

Гарадскі пасёлак складаецца з двух вуліц — Спартыўнай і Вытворчай. Спартыўная вуліца ідзе з поўначы на паўдзень праз увесь населены пункт. Вытворчая вуліца пралягае на паўночнай ускрайне Зарэчча і да яе адносіцца некалькі прамысловых пабудоў.

За 3 кіламетры ад гарадскога пасёлка размяшчаецца жаночая папраўчая калонія № 24 МУС па Гомельскай вобласці, на тэрыторыі якога, з мэтай працоўнай занятасці спецкантынгента, функцыянуе філіял «Зарэчча» дзяржаўнага прадпрыемства «№ 4». Калонія створана на базе ваеннага гарадка ракетнай частцы, на якой была зборачная вытворчасць ракетнай зброі, дзе па некаторым звесткам, у тым ліку збяралася і захоўвалася ядзерная зброя ў часы існавання СССР.

Будаўніцтва праваслаўная царквы	Вул. Спартыўная — галоўная ў Зарэччы	Адзін з пакінутых адміністрацыйных будынкаў

Насельніцтва

• 2004 год — 1,3 тыс. жыхароў
• 2016 год — 2 242 жыхары^[4]
• 2017 год — 2 226 жыхароў^[3]

Зноскі

1. Численность населения на 1 января 2024 г. и среднегодовая численность населения за 2023 год по Республике Беларусь в разрезе областей, районов, городов, поселков городского типа — Белстат, 2024.

   <a href='https://wikidata.org/wiki/Track:Q125194897'></a><a href='https://wikidata.org/wiki/Track:Q6520738'></a>
2. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
3. Колькасць насельніцтва на 1 студзеня 2017 г. і сярэднегадавая колькасць насельніцтва за 2016 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу (руск.). Нацыянальны статыстычны камітэт Рэспублікі Беларусь (29 сакавіка 2017). Праверана 3 красавіка 2017.
4. Колькасць насельніцтва на 1 студзеня 2016 г. і сярэднегадавая колькасць насельніцтва за 2015 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу (руск.). Нацыянальны статыстычны камітэт Рэспублікі Беларусь (30 сакавіка 2016). Праверана 3 красавіка 2017.

Спасылкі

• Геаграфічныя звесткі па тэме Зарэчча на OpenStreetMap