Пума, мясцовыя назвы кугуар, горны леў, серабрысты леў[1] (Puma concolor) — жывёла класа сысуноў атрада драпежных сямейства каціныя.
Сустракаецца ў Паўночнай і Паўднёвай Амерыцы. Да 1993 г. мела назву Felis concolor. Пашырана ў Амерыцы ад Паўднёвай Аляскі да Магеланава праліва. Жыве пераважна ў гарах, на ўскрайках лясоў, адкрытых ландшафтах і ў джунглях. 2 падвіды (пума ўсходняя і пума фларыдская) занесены ў Чырвоную кнігу МАСП.
Хуткія факты Навуковая класіфікацыя, Міжнародная навуковая назва ...
Закрыць
Даўжыня цела да 197 см, хваста да 82 см, маса да 110 кг. Вушы шырокія, закругленыя. Поўсць густая, кароткая. Афарбоўка аднаколерная, жаўтавата-бурая, знізу светлая. Драпежнік. Нараджае 2-3 (зрэдку да 5) кацянят раз у 2-3 гады.