Свята-Міхайлаўскі сабор (Ліда)

У паняцця ёсць і іншыя значэнні, гл. Касцёл Святога Іосіфа.

У паняцця ёсць і іншыя значэнні, гл. Свята-Міхайлаўская царква.

Свята-Міхайлаўскі кафедральны сабор (першапачаткова Касцёл Святога Іосіфа) — праваслаўная царква ў г. Ліда на вул. Савецкай, помнік архітэктуры класіцызму. Занесены ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэспубліканскага значэння. З'яляецца рэдкім прыкладам царквы-ратонды ў каталіцкім дойлідстве^[1].

Праваслаўны храм
Свята-Міхайлаўская царква
Касцёл Святога Іосіфа
53°53′37,42″ пн. ш. 25°18′11,63″ у. д.HGЯO
Краіна	Беларусь
Горад	Ліда
Канфесія	Беларуская праваслаўная царква
Епархія	Лідская епархія
Архітэктурны стыль	класіцызм
Дата заснавання	1797
Будаўніцтва	1797—1825 гады
Дата скасавання	1842
Статус	Гісторыка-культурная каштоўнасць Беларусі, шыфр 412Г000334шыфр 412Г000334
Матэрыял	цэгла
Стан	дзейнічае
Медыяфайлы на Вікісховішчы

Гісторыя

Сабор Архангела Міхаіла ў Лідзе. Здымак пач. XX ст.

Касцёл Святога Іосіфа пры лідскім кляштары піяраў пабудаваны ў 1797—1825 гадах^[1]. На будаўніцтва храма 5000 рублёў ахвяраваў Павел I^[1]. Кляштар зачынены ў 1832 годзе. Касцёл у 1842 годзе гарэў, у 1863 годзе перароблены на праваслаўную царкву Міхаіла Архангела, пасля Вялікай Айчыннай вайны ў 1960-я гг. будынак быў абсталяваны пад планетарый. У 1971 г. знесена мураваная брама.

Архітэктура

Корпус кляштара і званіца

Інтэр'ер

Мураваны храм-ратонда накрыты паўсферычным купалам, завершаны васьмігранным ліхтаром^[1]. Да асноўнага круглага ў плане аб'ёму прылягаюць больш нізкія прамавугольныя ў плане аб'ёмы: прытвор з чатырохкалонным порцікам на галоўным фасадзе і двухпавярховая сакрысція па восі ўсход-захад, невялікія рызаліты з поўдня і воўначы^[1]. У дэкоры фасадаў выкарыстаны дарычны ордар. Порцік і рызаліты ўвянчаны трохвугольнымі франтонамі. Вокны прамавугольныя^[1]. Унутры па перыметры залы размешчаны 8 пар дарычных калон. Побач з касцёлам размешчаны мураваныя аднапавярховы корпус кляштара і аднаярусная званіца.

Зноскі

1. Лазука Б.А. Беларуская архітэктура XIX - пачатку XX стагоддзя // Гісторыя сусветнага мастацтва. Рускае і беларускае мастацтва XIX - пачатку XX стагоддзя. — Беларусь, 2011. — С. 342. — 430 с. — ISBN 978-985-01-0880-7.

Літаратура

• Архітэктура Беларусі. Энцыклапедычны даведнік. — Мінск, 1993. — С. 263—264.
• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007. — С. 226—227.
• Лідскі Іосіфаўскі касцёл піяраў // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 426. — 800 с. — 5 000 экз. — ISBN 985-11-0026-9.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 412Г000334

• На Вікісховішчы ёсць медыяфайлы па тэме Свята-Міхайлаўскі сабор (Ліда)
• Свята-Міхайлаўскі сабор (Ліда) на сайце Radzima.org
• Свята-Міхайлаўскі сабор (Ліда) на сайце Глобус Беларусі (руск.)
• Свята-Міхайлаўскі сабор (Ліда) на сайце Праваслаўная архітэктура Беларусі (бел.)
• Свята-Міхайлаўскі сабор (Ліда) на сайце «Архіварта»