Сычуанская катлавіна

Сычуанская катлавіна, Чырвоны басейн, Сычуанская ўпадзіна — міжгорная ўпадзіна ў Кітаі, у басейне сярэдняга цячэння ракі Янцзы.

Сычуанская катлавіна
Краіна	Кітай
Даўжыня	500 км
Медыяфайлы на Вікісховішчы

Плошча каля 200 тыс. км². Вышыня 400—500 м (на ўскраінах да 1000 м). Абмежавана на захадзе Сіна-Тыбецкімі гарамі, на поўначы і паўночным усходзе хрыбтамі Цыньлін і Дабашань, на поўдні нагор’ем Гуйчжоў.

Прымеркавана да сінеклізы Кітайска-Карэйскай платформы. Запоўнена магутнай тоўшчай (да 4000 м) чырванаколерных пясчанікаў і сланцаў юрскага і мелавога ўзросту і іншымі асадкавымі пародамі. Утварае прыступкавы амфітэатр, звернуты на поўдзень. Паверхня ўзгорыстая, перасечана ракой Янцзы і яе прытокамі.

Клімат субтрапічны вільготны. Сярэдняя тэмпература паветра студзеня 10 °C, ліпеня 29 °C. Ападкаў 800—1750 мм за год. Вегетацыйны перыяд круглы год.

Глебы — жаўтазёмы, чырвоназёмы. Лістападныя і вечназялёныя лясы (большасць высечана), вышэй за 600 м вільготныя лясы (вечназялёны дуб, вастраліст, лаўр, кунінгамія, кіпарыс, хвоя і інш.).

Важны сельскагаспадарчы раён (вырошчваюць рыс, пшаніцу, кукурузу, чай, тытунь, цытрусавыя і іншыя культуры). Класічная правінцыя тэрасавай гаспадаркі. Радовішчы нафты, прыроднага газу, каменнай солі, каменнага вугалю, жалезных і поліметалічных руд.

Буйныя гарады Чунцын і Чэнду.

Літаратура

• Сычуа́ньская катлаві́на // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 325. — 10 000 экз. — ISBN 985-11-0035-8. — ISBN 985-11-0251-2 (т. 15).
• Сычуа́ньская котлови́на, Красный бассейн / Зайчиков В. Т. // Т. 25. Струнино — Тихорецк. — М. : Советская энциклопедия, 1976. — С. 144. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Сычуа́ньская котлови́на, Красный бассейн // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 461. — 592 с. — 210 000 экз. — ISBN 5-85270-057-6.
• Сычуа́ньская котлови́на, Кра́сный Бассе́йн // Географические названия мира: Топонимический словарь: Ок. 5000 единиц (руск.) / Е. М. Поспелов; Отв. ред. P. A. Агеева. — 2-е изд., стереотип.. — М.: Русские сло­вари: ООО «Издательство Астрель»: ООО «Издательство ACT», 2002. — С. 404. — 512 с. — ISBN 5-17-001389-2 (ООО «Издательство ACT»), ISBN 5-271-00446-5 (ООО «Издательство Астрель»), ISBN 5-93259-014-9 (Издательство «Русские словари»).
• Сычуа́ньская котлови́на, Красный бассейн // Энциклопедический географический словарь (руск.). — М.: РИПОЛ классик, 2011. — С. 649. — 800 с. — (Словари но­вого века). — 5 000 экз. — ISBN 978-5-386-03063-6.
• Сычуа́ньская впа́дина // Словарь географических названий зарубежных стран / отв. ред. А. М. Комков. — 3-е изд., перераб. и доп. — М.: Недра, 1986. — С. 352. (руск.)