Il-ha-Gwilen

An Il-ha-Gwilen^[2] (distaget: [ˌiˑlaˈɡwiːlɛn]^{(Daveoù a vank)}), Il-ha-Gwilun^[3], Ille-et-Vilaine e galleg hag ent-ofisiel (distaget: [i.l‿e.vi.lɛn]), a zo unan eus ar pemp departamant a oa bet savet e Breizh da-heul ar Reveulzi c'hall. E biz ar vro emañ, Roazhon eo ar pennlec'h anezhañ, hag ar 35 an niverenn roet dezhañ.

Il-ha-Gwilen
Anv gallek (ofisiel)	Ille-et-Vilaine
Bro	Breizh
Melestradurezh
Riez	Frañs
Rannvro	Rannvro Breizh
Pennlec'h (prefeti)	Roazhon
Isprefetioù	Felger Redon Sant-Maloù
Prezidant ar c'huzul-departamant	Jean-Luc Chenut (PS)
Prefed	Amaury de Saint-Quentin
Kod EBSSA	35
Kod ISO 3166-2	FR-35
Kod Eurostat NUTS-3	FR523
Poblañsouriezh
Poblañs	1 109 232 ann. (2022)[1]
Stankter	164 ann./km²
Douaroniezh
Kenurzhiennoù
Gorread	6 775 km²
Adrannoù
Arondisamantoù	4
Pastelloù-bro	8
Kantonioù	27
Etrekumuniezhioù	18
Kumunioù	333
kemmañ

An anv

C'hoarvezout a ra eus anvioù stêrioù, evel alies e departamantoù Frañs, re ar stêrioù Il ha Gwilen. Meur a wech ez eus bet kaoz da cheñch anv d'an departamant hep nad afe an traoù betek penn.

Hervez un diviz eus an 20 a viz Mezheven 2013 er c'huzul-departamant e tlefe annezidi Il-ha-Gwilen bezañ anvet Bretilliens e galleg, un anv perc'hennet gant an departamant. Dizemglev ez eus bet a-zivout an diviz-mañ^[4].

Douaroniezh

Kartenn Il-ha-Gwilen.

Istor

Savet eo bet diwar Bro-Roazhon, lodenn reter Bro-Sant-Maloù, ul lodenn vras eus Bro-Zol, un toullad parrezioù eus Bro-Wened er mervent, hag un nebeud parrezioù eus Bro-Naoned er su.

Kêrioù

Kêrioù pennañ an departamant

Kumun	Poblañs (2022)	Arondisamant
Roazhon	227 830	Arondisamant Roazhon
Sant-Maloù	47 255	Arondisamant Sant-Maloù
Felger	20 602	Arondisamant Felger-Gwitreg
Bruz	19 667	Arondisamant Roazhon
Gwitreg	18 892	Arondisamant Felger-Gwitreg
Saozon-Sevigneg	18 076	Arondisamant Roazhon
Sant-Jakez-al-Lann	13 593	Arondisamant Roazhon
Lanvezhon	12 775	Arondisamant Roazhon
Pazieg	11 815	Arondisamant Roazhon
Kastell-Geron	10 688	Arondisamant Roazhon
Dinarzh	10 407	Arondisamant Sant-Maloù
Kantpig	10 378	Arondisamant Roazhon
Sant-Gregor	9 992	Arondisamant Roazhon
Reuz	9 823	Arondisamant Roazhon
Redon	9 336	Arondisamant Redon

Poblañs

1 109 232 annezad a zo ennañ hervez niveradeg an EBSSA e 2022 war 6 775 km².

Arondisamantoù an Il-ha-Gwilen

E Roazhon emañ prefeti an departamant. E Sant-Maloù, Felger, ha Redon eo staliet an isprefetioù.

• Arondisamant Felger-Gwitreg
• Arondisamant Redon
• Arondisamant Roazhon
• Arondisamant Sant-Maloù

Ar c'huzul-departamant

Jean-Louis Tourenne, eus ar Strollad Sokialour Gall, a oa prezidant Kuzul-departamant Il-ha-Gwilen etre 2004 ha 2015.

Brezhoneg

Ar c'helenn divyezhek :

• 4 c’humun a zo klasoù divyezhek publik enno (Roazhon, Sant-Maloù, Redon, ha Bruz). 0,6% eus bugale an departamant a zo enno er c'hentañ derez (Ofis ar Brezhoneg).
  • Bec'h e oa bet e Bruz e miz Gwengolo 2009 pa oa bet nac'het digeriñ ur c'hlas divyezhek gant an Enseller Akademiezh Jean-Charles Huchet.
• 4 c’humun a zo klasoù prevez divyezhek enno (Roazhon - skolioù Sant Yann Bosco ha Sant Mikael - Gwitreg, Redon ha Kastell-Bourc'h).
• 3 c'humun zo enno ur skol Diwan en departamant : e Roazhon (2 skol), Gwipedel hag abaoe miz Gwengolo 2013 e Felger.

Gwelet ivez

• Kuzulierien-departamant Il-ha-Gwilen
• Roll arondisamantoù Il-ha-Gwilen
• Roll kantonioù Il-ha-Gwilen
• Roll kumunioù Il-ha-Gwilen

Liammoù diavaez

Commons

Muioc'h a restroù diwar-benn

Il-ha-Gwilen

a vo kavet e Wikimedia Commons.

Sellit ouzh ar ger Il-ha-Gwilen er
wikeriadur, ar geriadur frank.

• Lec'hienn ar C'huzul-departamant
• Lec'hienn ar stad c'hall en departamant (prefeti)
• Touristañ en Il-ha-Gwilen (fr) (en)