Labour

Al labour zo oberoù graet gant ar c'horf hag ar penn evit tizhout un disoc'h. War gement tachenn a zo e c'hall an neb labourat dre gaer, pe dre heg evel er sklaverezh. Al loened ivez a labour, renet gant an dud. E meur a vro e vez lidet Gouel al Labour d'ar 1añ a viz Mae.

O walc'hiñ al leur en un ti-karter e Virginia, SUA.

Liseidi o labourat e-pad ur gentel kimiezh en ur gymnasium alaman, e Bonn e 1988.

Dre astenn-ster e komzer eus labour evit ur vicher. "Dilabour" e vez graet eus un den hep labour.

Dre astenn-ster ivez e komzer er fizik eus labour un nerzh.

Eus al labour-douar e komzer Pa vez anv eus oberoù a denn d'an douar, d'an natur evit gounit plant.

Al labourioù, el liester, a vez graet eus oberioù evit sevel pe dresañ un dra bennak.

Armerzh

Ur Saozez o labourat en ul labouradeg gwispid.

Commons

Muioc'h a restroù diwar-benn

Labour

a vo kavet e Wikimedia Commons.

Al labour zo un obererezh graet en eskemm d'ur gopr, evit produiñ ur mad pe ur servij. Eñ hag ar c'hevala a ya d'ober ar faktorioù produiñ. Kavet e vez war marc'had al labour.

Gwir

Gant kod al labour e vez dastumet peurliesañ ar reolennoù e pleustr en ur vro. Ret eo d'an implijerien koulz ha d'an implijidi doujañ dezho, en ur Stad a wir bepred. Reolennoù etrebroadel zo ivez, da skouer gant Unaniezh Europa hag Aozadur etrebroadel al labour.

Setu amañ, dre vro, an niver a eurvezhioù labour dre sizhunvezh en Unaniezh Europa^[1].

• An Δ a verk an diforc'h e-keñver pad sizhuniek al labour e Bro-C'hall.

Stad Pad Δ  Polonia 39,8 + 3,9  Gres 39,7 + 3,8 Roumania 39,7 + 3,8  Bulgaria 39,2 + 3,3  Latvia 38,9 + 3,0  Slovenia 38,7 + 2,8  Lituania 38,6 + 2,7  Hungaria 38,5 2,6 Portugal 38,2 + 2,3  Kroatia 37,9 + 2  Slovakia 37,7 + 1,8  Tchekia 37,7 + 1,8 Republik Kiprenez 37,6 + 1,7  Malta 36,8 +0,9

Stad Pad Δ  Estonia 36,7 + 0.8 Spagn 36,7 + 0.8  Italia 36,3 + 0,4  Frañs 35,9 0  Iwerzhon 35,6 - 0,3  Luksembourg 35,6 - 0,3 Sveden 35,3 - 0,6 Belgia 35,0 - 0,9 Finland 34,4 - 1,5  Alamagn 34,2 - 1,7 Danmark 33,9 - 2,0  Aostria 33,3 - 2,6  Izelvroioù 31,6 - 4,3

Politikerezh

Ar ger « labour » a gaver e saozneg ivez^[2].

• Strollad al Labour, unan eus brasañ strolladoù politikel er Rouantelezh-Unanet.
• Strollad al Labour, ur strollad politikel iwerzhonat.
• Strollad al Labour, ur strollad politikel serb.

Troioù-lavar

• El labour emañ ar yec'hed.
• Labour sul, labour nul.
• An tu zo an hanter eus al labour.

Luganoù

• « Enrichissez-vous par le travail et par l’épargne » zo ur frazenn vrudet a vije bet lavaret e 1843 gant François Guizot, prezidant ar Kuzul Bro-C'hall.
• E toull dor kamp Auschwitz-Birkenau e oa skrivet arbeit macht frei da lavaret eo « al labour a ra an den dishual », diouzh ur frazenn gant al lizheregour Lorenz Diefenbach.
• Kavet e vez ar ger labour e-barzh sturiennoù broadel kalz broioù afrikat evel Aod an Olifant, Benin, Gabon, Ginea, Kameroun, Niger, Republik Demokratel Kongo hag all.