Tangi

Tangi zo un anv-bihan brezhonek a zo bet roet stank a-walc’h a-hed an amzer. Un anv brezel kozh eo, graet gant ar gerioù ki ha tan. Anavezet eo ivez evel anv-tiegezh, skrivet en doare gallek Tanguy.

Adstummoù

E galleg e vez skrivet Tanguy peurvuiañ, met Tanneguy zo bet skrivet ivez.

Istor

Aotrouien Tremazan zo bet meur a Dangi en o zouez, ha marteze an hini a savas ar voudenn anvet Tour Tangi e Brest.

Tud

Anv-bihan

Breizh

Tangi Malmanche, dramaour.

• sant Tangi, manac'h en abati Lokmazhe er VI^vet kantved,
• Tanneguy du Chastel, anv tri brezelour er Grennamzer
• Tangi Gwegen, beleg e Montroulez ha skrivagner brezhoneg e deroù ar XVII^vet kantved
• Tangi ar Yaouank (1759-1811), kelenner
• Tangi Malmanche (1875-1953), skrivagner brezhonek a oa lorc’h ennañ gant e anv^[1]
• Tanguy Peyretout, brezhoneger yaouank eus Gwezin (Bro-Roazhon) ha kelenner skol-noz, en em lazhet abalamour d'an enebiezh ouzh ar brezhoneg en e diegezh
• Tangi Louarn, prezidant Kuzul Sevenadurel Breizh e 2009
• Tangi Merien (g. e 1987), aktour

 Bro-C'hall

• Tanneguy Le Fèvre (1615-1672), studiour yezhoù ha troer
• Tanguy Ndombele (g. 1996) melldroader
• Tanguy Kouassi (g. 2002), melldroader

Anv-tiegezh

Un anv-tiegezh eo ivez, skrivet Tanguy hervez doareoù-skrivañ ar galleg.

Breizh

An tad Tanguy gant Van Gogh (1887)

• an tad Tanguy (1825-1894), marc’hadour livioù ha taolennoù
• Jorj Tangi, skrivagner brezhonek
• Henri Rol-Tanguy (1908-2002), rezistant a gemeras perzh bras e dieubidigezh Pariz e 1944
• François Tanguy-Prigent, rezistant, ministr, ezel an SFIO
• Yves Tanguy, livour stadunanat a orin breizhat
• Hélène Tanguy, bet kannadez, maer ar Gelveneg , UMP
• Bernard Tanguy (1940-2008), lec'hanvadurour hag enklasker er CNRS
• Lukian Tangi, skrivagner brezhonek
• Bernez Tangi, barzh
• Lan Tangi, e vreur, barzh, kelenner gant Roudour
• Xavier Tanguy (g. 1980), kizeller

 Bro-C'hall

Laura Tanguy, bet Miss Pays de Loire.

Anaout a reer dreist-holl :

• Charles Tanguy, sonaozour gall eus an XIX^vet kantved, aet da Ganada
• Laura Tanguy, ur plac'h eus Añje he deus klasket bout Miss World e 2008
• Eric Tanguy, sonaozour

Sevenadur

Lennegezh

• Tangi Kerviler, romant gant Roparz Hemon
• Tanguy, romant kentañ ar skrivagner gallek Michel del Castillo e 1957.
• ar rummad bannoù-treset Tanguy et Laverdure.

Sinema

• Tanguy, ur film gall gant Etienne Chatiliez e 2001, ha Tanguy, la suite e 2019. Deuet eo Tanguy da vezañ e galleg lesanv ur paotr gour hag a chom da vevañ e ti e zud.

Lec'hanvadurezh

• an anv Kerdangi
• an Tour Tangi e Brest
• kêrioù en Afghanistan, India, Iran ha Pakistan