Eric Hobsbawm

Hanesydd ac awdur Marcsaidd o Loegr oedd Eric John Ernest Hobsbawm (9 Mehefin, 1917 – 1 Hydref 2012), a elwir gan amlaf yn "Eric Hobsbawm" neu'n "E. J. Hobsbawm". Ymhlith ei weithiau enwocaf yw ei driawd ar "y bedwaredd ganrif ar bymtheg hir": The Age of Revolution: Europe 1789–1848, The Age of Capital: 1848–1875, ac The Age of Empire: 1875–1914; a'i lyfr ar "yr ugeinfed ganrif fer", The Age of Extremes: The Short Twentieth Century, 1914–1991.

Eric Hobsbawm
Ganwyd	9 Mehefin 1917  Alexandria
Bu farw	1 Hydref 2012  o niwmonia  Llundain
Man preswyl	Fienna, Villa Seutter, Berlin, Llundain
Dinasyddiaeth	y Deyrnas Unedig
Alma mater	Coleg y Brenin St Marylebone Grammar School Prinz-Heinrichs-Gymnasium
Galwedigaeth	ysgrifennwr, hanesydd mewn economeg, hanesydd cymdeithasol, academydd, newyddiadurwr cerddoriaeth, gwyddonydd gwleidyddol, hanesydd
Cyflogwr	Birkbeck, Prifysgol Llundain
Adnabyddus am	The Age of Revolution: Europe 1789–1848, Bandits, The Age of Capital: 1848–1875, The Age of Extremes: A History of the World, 1914–1991, Primitive Rebels: Studies in Archaic Forms of Social Movement in the 19th and 20th centuries
Plaid Wleidyddol	Plaid Gomiwnyddol Prydain Fawr
Tad	Leopold Percy Hobsbaum
Mam	Nelly Hobsbaum
Priod	Muriel Seaman, Marlene Hobsbawm
Plant	Julia Hobsbawm, Andy Hobsbawm, Joss Bennathan
Gwobr/au	Gwobr Balza, Bochum Historian Prize, Gwobr Ernst Bloch, Gwobr hanes Wolfson, Lionel Gelber Prize, Deutscher Memorial Prize, Doethuriaeth er Anrhydedd Prifysgol Girona, Doethor Anrhydeddus Prifysgol Fienna, doethur honouris causa o Brifysgol Carolina de Praga, Cymrawd yr Academi Brydeinig, Cymrawd o'r Gymdeithas Frenhinol a Llenyddol, honorary citizen of Vienna, Cymrawd Academi Celf a Gwyddoniaeth America, Gwobr Llyfr Leipzig am Gyfraniad i Dealltwriaeth Ewropeaidd, Cydymaith Anrhydeddus, Medal Medlicott

Cafodd ei eni i deulu Iddewig yn Alecsandria, yr Aifft, ym 1917, a symudodd i Fienna pan oedd yn ddwyflwydd oed. Masnachwr Prydeinig oedd ei dad a llenores Awstriaidd oedd ei fam, a bu farw'r ddau yn ystod y Dirwasgiad Mawr. Ymunodd Eric Hobsbawn â'r Blaid Gomiwnyddol yn 14 oed tra'n byw ym Merlin â'i ewythr. Ymfudodd i Loegr ym 1933 ac aeth i Brifysgol Caergrawnt, lle bu'n gyfaill i Raymond Williams. Penodwyd ef yn ddarlithydd hanes yng Ngholeg Birkbeck ym 1947 a dyrchafwyd yn athro ym 1970.^[1][2] Cyhoeddwyd ei hunangofiant, Interesting Times: A Twentieth Century Life, yn 2002.

Bu farw ar 1 Hydref 2012 yn y Royal Free Hospital, Llundain, o niwmonia.^[3]