Rouen
From Wikipedia, the free encyclopedia
Remove ads
Dinas yn Normandi yng ngogledd-orllewin Ffrainc yw Rouen. Hi oedd prifddinas hanesyddol Normandi, ac mae'n brifddinas région Normandi a département Seine-Maritime. Saif ar Afon Seine. Yn 2007, roedd poblogaeth yr ardal ddinesig yn 541,410, ac amcangyfrifwyd fod poblogaeth y ddinas ei hun yn 109,000.
Sefydlwyd Rouen fel Ratumacos gan lwyth Celtaidd y Veliocassi. Galwai'r Rhufeiniaid y ddinas yn Rotomagus. Wedi i dalaith Gallia Lugdunensis gael ei rhannu'n ddau dan yr ymerawdwr Diocletian, daeth Rouen yn brifddinas Gallia Lugdunensis II.
O 912, Rouen oedd prifddinas Dugiaeth Normandi ac yno yr oedd Dugaid Normandi yn byw hyd nes i Gwilym Goncwerwr adeiladu castell yn Caen. Yn ystod y Rhyfel Can Mlynedd, ildiwyd y ddinas i'r Saeson yn 1419. Yma y llosgwyd Jeanne d'Arc ar 30 Mai, 1431. Cipiodd y Ffrancod y ddinas yn ôl yn 1449.
Adeg y Rhyfel Byd Cyntaf roedd Rouen yn ganolfan cyflenwadau bwysig, ac yr oedd yno nifer o ysbytai milwrol.
Remove ads
Adeiladau
Pobl o Rouen
- Edward IV (1442–1483), brenin Lloegr
- Pierre Corneille (1606–1684), dramodydd
- Nicolas Lemery (1645–1715), cemegydd
- Jean Jouvenet (1647–1717), arlunydd
- Gustave Flaubert (1821–1880), nofelydd, awdur Madame Bovary
- Marcel Dupré (1886–1971), organydd a chyfansoddwr
- François Hollande (ganed 1954), gwleidydd ac Arlywydd Ffrainc
- David Trezeguet (ganed 1977), pêl-droediwr
Dolenni allanol
- (Ffrangeg) Gwefan Swyddogol Rouen
Dinasoedd Ffrainc
Wikiwand - on
Seamless Wikipedia browsing. On steroids.
Remove ads