cover image

Kanado

lando en Nordameriko norda de la ĉefparto de Usono kaj orienta de Alasko / From Wikipedia, the free encyclopedia

Kanado (angle kaj france: Canada) estas la plej norda lando en la okcidenta duonsfero. La lando etendiĝas inter la Atlantika Oceano en la oriento kaj la Pacifika Oceano en la okcidento, havas landlimon kun Usono sude kaj nordokcidente (Alasko) kaj havas 1.2km-longan landlimon kun Gronlando (Danio) ĉe la insulo Tartupaluk. Kanado ankaŭ atingas la Arktan Oceanon en la nordo kie la teritoriaj pretendoj etendiĝas ĝis la Norda Poluso.

Quick facts: Bazaj informoj, Politiko, Ekonomio...
Kanado
Canada

Detaloj Detaloj
Nacia himno: O Canada
Ho Kanado
Nacia devizo: A Mari Usque Ad Mare
De maro al maro
Bazaj informoj
Ĉefurbo Otavo
Oficiala(j) lingvo(j) angla
franca
Uzata(j) lingvo(j) inuinaktuna
kria
ĉipevajana
gviĉina
Plej ofta(j) religio(j) kristanismo
Areo 9 984 670 km²
- % de akvo 8,92 %
Loĝantaro 33 351 000 (2008)
Loĝdenso 3,2 loĝ./km²
Horzono UTC-3.5 ĝis UTC-8

UTC-2.5 ĝis UTC-7 (somere)

Interreta domajno ca
Landokodo CA
Telefona kodo 1
Plej alta punkto Monto Logan
Plej malalta punkto Arkta Oceano
Politiko
Politika sistemo Parlamenta demokratio
Konstitucia monarkio
Ŝtatestro Karlo la 3-a (reĝo)
Mary Simon (guberniestro ĝenerala)
Ĉefministro Justin Trudeau
Nacia tago 1-a de julio
Sendependiĝo disde Britio 1-a de julio 1867
Ekonomio
Valuto dolaro (CAD)
MEP laŭ 2007
– suma $1,274 duiliono
– pokapa $ 38.200
Esperanto-movado
Landa E-asocio Kanada Esperanto-Asocio
vdr
Close

Post Rusio, Kanado estas la dua plej granda lando en la mondo laŭ tuta areo. Tamen ĝia popoldenseco estas tre malforta (po 3 homoj en kvadrata kilometro), tiel ke entute estas nur 32 milionoj da loĝantoj. Kvankam Kanado havas pli grandan geografian areon ol la najbara Usono, ĝi nur havas unu naŭonon de la popolkvanto.

Kanado estas necentra federacio de 10 provincoj kaj 3 teritorioj kuniĝintaj laŭ procezo nomata konfederiĝo.