Krokodilo

Krokodilo estas unu el la tri genroj de arkosaŭraj reptilioj de la familio Crocodylidae (foje klasifikita anstataŭe kiel la subfamilio Crocodylinae). Oni ankaŭ uzas la terminon pli malprecize por ĉiuj membroj de la ordo Krokodiluloj, tio estas, ordo kiu enhavas kaj la verajn krokodilojn, kaj la aligatorojn, la kajmanojn (familio Aligatoredoj) kaj la gavialon (familio Gavialedoj). La plej konata estas la Nila krokodilo (Crocodilus niloticus).

Por la esperanta idiomaĵo krokodili, vidu la paĝon krokodili.

Kiel legi la taksonomion Krokodilo
Nila krokodilo
Biologia klasado
Regno: Bestoj Animalia Filumo: Ĥorduloj Chordata Subdivizio: Vidu tekston Klaso: Reptilioj Sauropsida Ordo: Krokodiluloj Crocodilia Familio: Krokodiledoj Crocodylidae Subfamilio: Krokodilenoj Crocodylinae Genro: Krokodilo Crocodylus Laurenti, 1768
Aliaj Vikimediaj projektoj
Sistematiko en Vikispecioj
Komunejo pri Krokodilo
v • d • r

Ĉiuj estas ĉasistoj duonakvaj de longeca konturo kaj ebeneca korpo, kapablaj kapti inter siaj fortegaj makzeloj ĉion ajn kiu moviĝas.

Ili loĝas en tropikaj kaj subtropikaj areoj de Afriko, Azio, Aŭstralio kaj Ameriko, tiel kiel en nombraj insuloj de Karibio, la Hinda Oceano kaj la Pacifika. Tio eblas ĉar tiu genro male al aliaj Krokodiluloj kiaj la Aligatoredoj, povas elpeli la troon de sala akvo mara tra glandoj de la okuloj, produktante tiele la fame konataj kiel krokodilaj larmoj. Tamen ili preferas la nesalan akvon.

Specioj laŭ alfabeta ordo laŭ la latina scienca nomo

• Centramerika krokodilo, Crocodylus acutus
• Crocodylus anthropophagus formortinta
• Muzelfajna krokodilo, Crocodylus cataphractus aŭ Mecistops cataphractus
• Orinoka krokodilo, Crocodylus intermedius
• Aŭstralia krokodilo, Crocodylus johnstoni
• Filipina krokodilo, Crocodylus mindorensis
• Meksika krokodilo, Crocodylus moreletii
• Nila krokodilo, Crocodylus niloticus
• Okcidentafrika krokodilo, Crocodylus suchus
• Novgvinea krokodilo, Crocodylus novaeguineae
• Marĉa krokodilo, Crocodylus palustris ( vidu : Gir-Arbaro )
• Mara krokodilo, Crocodylus porosus
• Kuba krokodilo, Crocodylus rhombifer
• Siama krokodilo, Crocodylus siamensis

Aliaj signifoj

En Esperantujo, krokodilo ankaŭ povas signifi "homo, kiu krokodilas" (do esperantisto parolante sian denaskan lingvon en Esperanta medio). Pli malofte ĝi ankaŭ povas signifi "ne-esperantisto", kvankam tiu uzo estas iom konfuziga.

Krokodiloj en Esperanto

Marjorie Boulton, en sia mikspota libro Faktoj kaj fantazioj, dediĉas la duan legaĵon de ties 49a ĉapitro al komentoj pri krokodiloj.^[1]

Viando

Telero da krokodilo viando en terijakia saŭco en Helsinko, Finnlando.

La viando de krokodilo gustas iomete kiel kokaĵo.

Bibliografioj

• Eta krokodilo kaj la verda stelo, La / Le petit crocodile et l’étoile verte. Cécilia Guérin, Maximilien Guérin. Ilustraĵoj de C. Guérin. Paris: L’Harmattan, 2021. 63p. 22cm. (ISBN 9782343231174) Dulingva: franca, E-o. Rakonto pri krokodilo vivanta en bestoĝardeno kaj kiu volis estis libera.