Nacia Biblioteko de Luksemburgo
From Wikipedia, the free encyclopedia
Remove ads
La Nacia Biblioteko de Luksemburgo (france Bibliothèque nationale du Luxembourg, mallongigita kiel BnL) estas nacia biblioteko de Luksemburgo. Ĝi estis fondita en ties nuna formo en 1899, rezulte de serio de malsamaj institucioj devenintaj en la 18a jarcento. Ĝi troviĝas en la urboparto Kirchberg de Luksemburgo. La BnL estas publika establo sub la kontrolado de la Ministerio de Kulturo.[1]
.jpg)
La BnL entenas 1,8 milionojn da presitaj eroj, faranta ĝin la plej granda biblioteko en Luksemburgio. La kolektoj de la biblioteko inkluzivas ambaŭ gravuraĵon kaj diĝitajn dokumentojn, kiel libroj, manuskriptoj, revuoj, ĵurnaloj, gazetoj, datumbazoj, mapoj, poŝtmarkoj, desegnaĵoj kaj partituroj de luksemburgaj komponistoj. Proksimume tri kvaronoj de ties enhavoj, precipe sciencaj rimedoj, originas de eksterlande.[2]
Kiel laŭleĝa deponeja biblioteko, la BnL ricevas kopiojn de libroj kaj aliaj presitaj kaj diĝitaj dokumentoj eldonitaj en Luksemburgio.[3] Ĝi estas ankaŭ la ISBN [4], ISSN-a [5], ISMN-a [6] kaj ISNI-a [7] nacia agentejo de la lando.
Remove ads
Historio
Post la invado de Francio en 1794/1795 kaj en 1798, la francaj aŭtoritatoj instrukciis la Bibliotekon de la ĉefa lernejo kolekti la kolektojn de la malnovaj bibliotekoj de Luksemburgio, nome la bibliotekon de la jezuita kolegio kaj la bibliotekojn de fermitaj religiaj domoj. En 1848 la Luksemburgia registaro transprenis la kolekton kaj donis al ĝi la nomon de la Luksemburgia Biblioteko - la Publika Biblioteko de la Urbo de Luksemburgio. En 1850, la Luksemburgia Biblioteko absorbis la kolektojn de la Ateneo Grand Ducal. En 1899 la librejo adoptis la nomon de Nacia Biblioteko. Ekde 1973, la biblioteko situis en konstruaĵo forlasita fare de la Athenaeum klasika sekundara lernejo kaj spertis rapidan evoluon. La kreskantaj kolektoj kaj la nombro da legantoj signifis ke la stokejoj fariĝis tro malgrandaj, kaj la publikaj spacoj ne renkontis la kriteriojn de moderna biblioteko.
Remove ads
Konstruaĵo
Per la akto de la 18-a de aprilo 2013 (france Loi du 18 avril 2013 relative à la construction d'une nouvelle Bibliothèque nationale à Luxembourg-Kirchberg) estis decidite konstrui novan konstruaĵon por la biblioteko. Ĝi estis konstruita en la distrikto Kirchberg. Konstruado komenciĝis en junio 2014 kaj la malfermo okazis la 1-an de oktobro 2019. La antaŭe disaj aroj kaj servoj estis translokitaj al unu nova konstruaĵo. Legantoj povas uzi la legejon, kiu estas disvastigita sur tri etaĝoj kaj havas rektan aliron al 200,000 libroj. Krome, ekzistas malstreĉejoj, muzikĉambro, spacoj por grupa laboro, kaj gepatroj povas uzi specialajn familiajn ĉambrojn por umi kun infanoj. Ili estis ekipitaj per ludiloj, malgrandaj skribotabloj kaj eĉ litetoj. La biblioteko estas ekipita per aŭtomata sistemo por transporti kaj ordigi librojn, dank' al kiu eblas liveri menditajn dokumentojn al legantoj 24 horojn tage. La konstruaĵo havas areon de 24,000 m², inkluzive de 6,000 m² legejoj .
Remove ads
Kolektoj
Laŭ la Leĝo, ekde 2009, la biblioteko havas la rajton je 4 ekzempleroj de libroj, broŝuroj kaj revuoj kaj 2 ekzempleroj de aliaj publikaĵoj (kalendaroj, poŝtkartoj, planoj, figuroj, ciferecaj presaĵoj sur fizikaj amaskomunikiloj kaj aliaj). Sed nur unu ekzemplero por presitaj artikoloj kun valoro superanta EŬR 250, ciferecaj eldonaĵoj, diplomtezoj kaj brajlaj eldonaĵoj. Devigaj kopioj devas esti senditaj al la biblioteko ene de unu monato. En 2019, legantoj havis aliron al pli ol 1,800,000 volumoj, 77,800 e-revuoj, 641,000 elektronikaj libroj, 390 datumbazoj kaj 60 ĉiutagaj kaj semajnaj luksemburgaj gazetoj.
Referencoj
Literaturo
Eksteraj ligiloj
Wikiwand - on
Seamless Wikipedia browsing. On steroids.
Remove ads