Barego

Baregoak^[1] (antzinako eskandinavieraz: Væringjar; grezieraz: Βάραγγοι, Várangoi, Βαριάγοι, Variágoi; errusieraz: Варяги, translit.: Varyagi / Varyahy) IX. eta X. mendeetan egungo Errusian, Bielorrusian eta Ukrainian bizi ziren bikingoak ziren^[2]. Nestorren Kronikaren arabera (1113), Eskandinaviatik bertaratutako elitezko gerlari-taldea zen, ekialdeko eslaviarrak gobernatu zuena^[3]. Kieveko Rusko kronika horrek batzuetan rus' eta besteetan suediarrak, normandiarrak, angloak edo jutoak direla dio,^[4] nahiz eta gehienak Suediakoak izan^[5].

Baregoen guardia, Joanes Skylitzesren XI. mendeko kronikan.

Merkataritza edo pirateriaren bidez, edo mertzenario bilakatuta, Garðaríki edo Kieveko Rusko ibai guztiak zeharkatu eta Kaspiar itsasoa eta Konstantinopoliseraino iritsi ziren^[6]. Bertan enperadorearen guardia osatu zuten, Inperio osoan sona handikoa zena.

Errusiar historiografia nazionalistaren arabera, baregoak ez ziren eskandinaviarrak, eslaviarrak baizik^[7] .

Erreferentziak

1. Euskaltzaindia. (2015-1-30). 174. araua: Antzinateko herriak. Ekialdeko eta Europako herriak. , 3 or..
2. Milner-Gulland, R. R.. Atlas of Russia and the Soviet Union. Phaidon, 36 or. ISBN 0714825492..
3. Robin Milner-Gulland, The Russians, Blackwell Publishing, 1999, ISBN 0-631-21849-1, 9780631218494, p. 45
4. Duczko, Wladyslaw. (2004). Viking Rus. BRILL, 10–11 or. ISBN 9004138749..
5. Forte, Angelo, Richard Oram & Frederik Pedersen. (2005). Viking Empires. Cambridge University Press, 13–14 or. ISBN 0-521-82992-5..
6. Stephen Turnbull, The Walls of Constantinople, AD 324–1453, Osprey Publishing, ISBN 1-84176-759-X.
7. Shilov, Yuri. (2008). Sources of Slavic Cyvilisation. Mosku: Osoznanie ISBN 978-5-98967-006-0..

Kanpo estekak

• Datuak: Q48343
• Multimedia: Varangians / Q48343

Artikulu hau historiari buruzko zirriborroa da. Wikipedia lagun dezakezu edukia osatuz.