Basagereziondo
From Wikipedia, the free encyclopedia
Remove ads
Basagereziondoa (edo basagerezia), edo batzuetan gereziondoa soilik (edo gerezia), (Prunus avium) Cerasus azpigeneroko zuhaitza da. Gingondoarekin batera (Prunus cerasus), gereziak emateko landatzen diren barietateen jatorria da.
Prunus terminoa basaranaren izena da; Avium terminoak, berriz, txoriena adierazten du: txoriek gogoz jaten dituzte gereziondoen fruituak.
Remove ads
Ezaugarriak
Hosto erorkorreko zuhaitza da, eta 30 m garai izan daiteke.
Zurtoina – Azala
Enbor lodia du, eta azala, arre-gorrixka eta distiratsua, zerrenda horizontaletan askatzen da. Gaztaina-kolorekoa edo gorrixka da egurra, eta gogorra eta astuna.
Hostoak
Obalak eta horzdunak dira hostoak; bi guruin gorri dituzte txortenarekin lotzeko puntuan.
Loreak
Hostoak baino lehen hazten dira loreak, martxoaren amaieran edo apirilean; zuriak dira, eta multzo txikitan -ginbeletan- agertzen dira.
Fruituak
Drupa gorri jangarria da fruitua: gerezia. Maiatzetik uztailera heltzen da.
Remove ads
Habitata
Ia Europa osoan, Asia mendebaldean eta Afrika iparraldean dago hedatuta. Oso ohikoa da Euskal Herriko isurialde kantauriarrean.
Lurzoru fresko eta sakonetan bizi ohi da: harizti, pagadi eta baso mistoetan.
Erabilera
Zura oso estimatua da ebanisterian. Estimu handiko mahai-frutak dira gereziak, eta infusio diuretikoak egiten dira txortenekin
Ikus, gainera
Erreferentziak
Wikiwand - on
Seamless Wikipedia browsing. On steroids.
Remove ads