Erdialdeko Mendigunea (Frantzia)

Erdialdeko Mendigunea edo Massif Central^[1] (okzitanieraz: Massís Central edo Massis Centrau; frantsesez: Massif Central) Frantziako toki garai bat da, herrialdeko erdialde-hegoaldean dagoena eta batez ere mendiz eta goi ordokiz osatua dagoena.

Erdialdeko Mendigunea (Frantzia)
Datu orokorrak
Mendirik altuena	Puy de Sancy
Garaiera	1.886 m
Mota	geologia komunik gabeko mendi sistema eta upland (en)
Azalera	85.000 km²
Geografia
Koordenatuak	45°46′30″N 2°58′00″E
Honen parte da	Hercynian Forest (en)
Estatu burujabe	Frantzia
Geologia
Garaia	Paleozoiko

Artikulu hau Frantziako mendiguneari buruzkoa da; beste esanahietarako, ikus «Erdialdeko Mendigunea (argipena)».

Erdialdeko mendi hauek Rodano ibaiak eratutako pitzadura baten ondorioz daude banatuak Alpeetatik, frantsesez sillon rhodanien bezala ezagutzen dena (literalki, Rodanoren ildoa).

Administrazioa

Erdialdeko Mendigunea honako frantziar departamenduetan barrena hedatzen da: Allier, Ardèche, Aveyron, Cantal, Corrèze, Creuse, Loira Garaia, Vienne Garaia, Loira, Lot, Lozère eta Puy-de-Dôme.

Honako eskualde hauek, oso osorik daude Erdialdeko Mendigunearen barnean: Auvernia eta Limousin. Oso osorik ez daudenak, baina zatiren bat mendikate honetan dutenak, beste honako hauek dira: Languedoc-Roussillon, Midi-Pyrénées eta Rhône-Alpeak.

Mendikate honetan aurkitzen diren hiririk garrantzitsuenak Clermont-Ferrand eta Saint-Étienne dira.

Mendi garrantzitsuak

• Puy de Sancy (1886 metro)
• Plomb du Cantal (1855 metro)
• Puy Mary (1787 metro)
• Mont Lozère (1702 metro) sumendiak ez diren mendietatik, garaiena.
• Mont Aigoual (1567 metro), Le Viganetik gertu
• Puy de Dôme sumendia (1464 metro)

Goi-ordoki garrantzitsuak

• Larzac
• Plateau de Millevaches