Isabel Garay

Isabel Garay Oyarbide (Muskiz, 1946 – Santander, 2016ko urtarrilaren 10a) eskultore eta margolari bizkaitarra izan zen, buztin erregogorrean eta tenperatura altuko zeramikan espezializatua.^[1]

Isabel Garay
Bizitza
Jaiotza	Muskiz, 1946
Herrialdea	Bizkaia, Euskal Herria
Heriotza	Santander, 2016ko urtarrilaren 10a (69/70 urte)
Hezkuntza
Hizkuntzak	gaztelania
Jarduerak
Jarduerak	eskultorea eta margolaria

Ibilbidea

60ko hamarkadaren hasieran, Anibal Garcia margolari bilbotarraren babespean, margolari gisa prestakuntza jaso ondoren, harrizko eta zurezko eskultura erabiltzen hasi zen, Miguel Vazquezen 1977ko tailerrean lur egosia praktikatzen hasi aurretik. Pinturarekiko interesa alde batera utzi gabe, buztina tenperatura altuetan modelatzen eta egosten ikasi zuen. Gainera, zenbait tailer egin zituen; zura, harria, burdina eta beste metal batzuk.^[2][3]

Bakarkako lehen erakusketa 1971n egin zuen, Santanderko Puntal Galerian, ondoren, beste erakusketa batzuk burutu zituen. Besteak beste, Santanderreko Arte Ederren Udal Museoan (1981) eta Santanderreko Botin Fundazioan (1985) erakutsi zituen bere lanak.^[4] 80ko hamarkadan, bere heldutasun eskultorikoa lortu zuen. Buztin erregogorreko pieza antropomorfikoak modelatzen hasi zen, forma arkitektonikoetara eboluzionatu zuen gero, eta hamarkada honen amaieran gero eta pieza abstraktuagoak egin zituen. Garapen hori 1985ean hasi zen agerian jartzen Presentziak bilduman. Laurogeita hamarreko hamarkadan, ebakitzeko altzairua ere erabiltzen hasi zen, bi teknikak Barrak eta izarrak seriean nahastuz. Serie horretan, buztinezko moduluak eta neurri eta forma bereko altzairuzko moduluak txandakatu zituen artistak.^[2][5]

Gijongo Nicanor Pinole aretoan eta Madrilgo Edurne galerian ere erakutsi zituen lanak 1987 eta 1992 urteetan, era berean, Bilboko Rekalde aretoan (1993), Gijongo Barjola museoan (1995), Jerez de la Fronterako Carmen de la Calle galerian (1996), Bilboko Vanguardia galerian (1997), Santillana del Marreko Jesús Otero Fundazioan eta Nojako Albaicín markesaren jauregian (1998), Santanderreko Trazos Tres galerian eta Sevillako Rafael Ortiz galerian (1999), Bilboko Vanguardia galerian eta Santanderreko Trazos Tres galerian (2001) eta Santanderko Arte Ederretako Udal Museoan (2002) ere erakutsi zituen bere lanak.^{[6] [7]}

Eskultore gisa egindako lanagatik batez ere ezaguna bada ere, abstrakzio formaletik eratorrita egin zituen lanak ere nabarmendu dira; arkatzez, paisaia-pastelez eta pastelez egindako margolanak. Horrez gain, konposizio modularrak ere azpimarratzekoak dira.^[8]

Bere ibilbidean Arco (Madril), Art London (Londres) eta Art Cologne (Kolonia) azoken hainbat ediziotan parte hartu zuen. ^[9] Santanderreko Arte Ederren Udal Museoak bere lanari buruzko erakusketa espezifiko bat hartu zuen 2002an, Isabel Garay 1985-2002 izenburupean. Bakarkako azken erakusketen artean, Bilboko Vanguardia Galerian 2007an egin zena eta Santanderreko Trazos Galerian Isabel Garay: color y forma izenburupean egin zena nabarmentzen dira.^[10]

Bilduma Publikoak

Bere obra Kantabriako Gobernuaren Iparraldeko Arte Garaikideko Bilduman dago, baita Santiago de Compostelako Galiziako Arte Garaikideko Zentroan eta Santanderreko Arte Ederren Museoan ere.^[10]

Aintzatespenak

2016an, Santander eta Kantabriako Arte Moderno eta Garaikideko Museoak (MAS) Epidermis erakusketa hartu zuen. Erakusketa horren bidez, Garay omendu zuten hil ondoren. Erakusketan 24 artelan izan ziren guztira, guztiak buztin erregogorrez eginak eta laurogeiko hamarkadako bere obrakoak. ^[11]Ondoren, 2017an egindako erakusketa batek bere ibilbide artistikoa egin zuen bere 40 lanak bistaratuz.^[12][13]

Bibliografia

1995, Isabel Garay, Hubert Besacier, Asturiasko Printzerria. ^[14]