Jon Rahm

Jon Rahm Rodríguez (Barrika, Bizkaia, 1994ko azaroaren 10a) euskal herritar golf-jokalaria da, 2016an profesional bilakatua. World Amateur Golf Rankingean munduko lehenengo izan zen 60 astez jarraian, eta ondoren Official World Golf Rankingean lehenengo bilakatu zen, 2020ko uztailean Memorial Tournament txapelketa irabazi ostean. 2021ean AEBko Irekia irabazi zuen. 2023ko abenduaren 7an Rahmek LIV Golfekin kontratua egin zuela iragarri zuen^[1], historiako kirol kontraturik handienarekin (500 milioi euro)^[2]

Jon Rahm
Irudi gehiago
Bizitza
Jaiotzako izen-deiturak	Jon Rahm Rodríguez
Jaiotza	Barrika, 1994ko azaroaren 10a (31 urte)
Herrialdea	Bizkaia, Euskal Herria
Hezkuntza
Heziketa	Arizona Estatuko Unibertsitatea (2012 - 2016)
Hizkuntzak	gaztelania euskara ingelesa
Jarduerak
Jarduerak	golf-jokalaria
Parte-hartzailea 2024ko Udako Olinpiar Jokoak
Altuera	1,88 metro
jonrahm.com

Kirol ibilbidea

Arizonako Unibertsitateko Sun Devils taldean ibilitakoa,^[3][4] bi aldiz irabazi zuen Ben Hogan Saria.^[5] 2014an amateurretako Munduko Txapelketa irabazi zuen, Jack Nicklausek ezarritako marka hautsiz.^[6] Mark H. McCormack domina eta Eisenhower Saria lortu ondoren, 2016ko U.S. Openean parte hartu zuen.^[7] Opena bukatu eta berehala, profesional bilakatu eta Quicken Loans Nationalean lehen aldiz lehiatu zen.^[8]

2020an historia egin zuen. Munduko golf sailkapenaren gailurrera iritsi den lehen euskal golflaria izan da. Soilik 24 golf jokalarik lortu dute rankingaren lehen postura igotzea, eta hori lortzen duen bederatzigarren europarra da. PGA Tourraren Memorial txapelketa irabazi ostean lortu zuen lehen postua. Denboraldiko lehen garaipena zen eta PGA Tourreko hirugarrena. Profesional gisara, 11 txapelketa irabazi ditu Rahmek. PGA Tourraren Memorialak 76 puntu eman zizkion, eta guztira 460,82 batuta, Rory McIlroy irlandarra aurreratu du munduko sailkapenean. 11 aste zeramatzan horrek lehen postuan (guztira, aurreko aldiak zenbatuta, 106). Aste gehien Tiger Woods egon da gailurrean, 683.^[9]

2021eko ekainean, bere lehenbiziko "major"-a eskuratu zuen, AEBetako Irekia,^[10] eta 2023ko apirilean bigarrena: Augustako Masterra.^[11]

Palmaresa profesionaletan

PGA Tourreko garaipenak

"Major"-ak

FedEx Cup playoff torneoak

Besterik

Zbk.	Data	Txapelketa	Emaitza	Par	Aldea bigarrenarekin	Bigarren sailkatua
1	2017ko urtarrilak 29	Farmers Insurance Open	72-69-69-65=275	−13	3 kolpe	Charles Howell III, Pan Cheng-tsung
2	2018ko urtarrilak 22	CareerBuilder Challenge	62-67-70-67=266	−22	Playoff	Andrew Landry
3	2019ko apirilak 28	Zurich Classic of New Orleans ( Ryan Palmerrekin)	64-65-64-69=262	−26	3 kolpe	Tommy Fleetwood, Sergio García
4	2020ko uztailak 19	Memorial Tournament	69-67-68-75=279	−9	3 kolpe	Ryan Palmer
5	2020ko abuztuak 30	BMW Championship	75-71-66-64=276	−4	Playoff	Dustin Johnson
6	2021eko ekainak 20	AEBetako Irekia	69-70-72-67=278	−6	1 kolpe	Louis Oosthuizen
7	2022ko maiatzak 1	Mexikoko Irekia	64-66-68-69=267	−17	kolpe 1	Tony Finau, Kurt Kitayama, Brandon Wu
8	2023ko urtarrilak 8	Sentry Tournament of Champions	64-71-67-63=265	−27	2 kolpe	Collin Morikawa
9	2023ko urtarrilak 22	The American Express	64-64-65-68=261	−27	kolpe 1	Davis Thompson
10	2023ko otsailak 19	Genesis Invitational	65-68-65-69=267	−17	2 kolpe	Max Homa
11	2023ko apirilak 9	Augustako Masterra	65-69-73-69=276	−12	4 kolpe	Brooks Koepka, Phil Mickelson

European Tourreko garaipenak

Zbk.	Data	Txapelketa	Emaitza	Par	Aldea bigarrenarekin	Bigarren sailkatua
1	2017ko uztailak 9	Irish Open	65-67-67-65=264	−24	6 kolpe	Richie Ramsay Matthew Southgate
2	2017ko azaroak 19	DP World Tour Championship	69-68-65-67=269	−19	1 kolpe	Kiradech Aphibarnrat Shane Lowry
3	2018ko apirilak 15	Open de España	67-68-66-67=268	−20	2 kolpe	Paul Dunne
4	2019ko uztailak 7	Irish Open (2)	67-71-64-62=264	−16	2 kolpe	Andy Sullivan Bernd Wiesberger
5	2019ko urriak 6	Open de España (2)	66-67-63-66=262	−22	5 kolpe	Rafael Cabrera-Bello
6	2019ko azaroak 24	DP World Tour Championship (2)	66-69-66-68=269	−19	1 kolpe	Tommy Fleetwood

Beste garaipenak (1+1)

• 2018: Hero World Challenge
• 2019: Race to Dubai