Josu Erkoreka

Josu Iñaki Erkoreka Gervasio (Bermeo, Bizkaia, 1960ko uztailaren 3a) Eusko Alderdi Jeltzaleko politikaria da, Espainiako Diputatuen Kongresuan ordezkaria 2000 eta 2012 urteen artean eta bertako eleduna 2004tik 2012ra.

Josu Erkoreka
(2020) Irudi gehiago
11. Eusko Jaurlaritzako Segurtasun sailburua 2020ko irailaren 8a - 2024ko ekainaren 25a ← Estefanía Beltrán de Heredia Arroniz - Bingen Zupiria → 11. Eusko Jaurlaritzako lehendakariordea 2020ko irailaren 8a - 2024ko ekainaren 25a ← Idoia Zenarrutzabeitia Beldarrain - Ibone Bengoetxea → Diputatua Eusko Legebiltzarrean 2020ko abuztuaren 3a - 2024ko otsailaren 27a Barrutia: Bizkaia Hautetsia: 2020ko Eusko Legebiltzarrerako hauteskundeak Eusko Jaurlaritzako Gobernantza Publiko eta Autogobernu Sailburua 2016ko azaroaren 28a - 2020ko irailaren 8a ← Josu Erkoreka Gervasio - Olatz Garamendi → Diputatua Eusko Legebiltzarrean 2016ko urriaren 21a - 2016ko abenduaren 7a - Begoña Otalora Ariño → Barrutia: Bizkaia Hautetsia: Eusko Legebiltzarreko XI. legealdia Eusko Jaurlaritzako Justizia eta Herri Administrazio Sailburua 2012ko abenduaren 17a - 2016ko azaroaren 28a ← Idoia Mendia Cueva - Josu Erkoreka Gervasio, María Jesús San José López → Eusko Jaurlaritzaren bozeramailea 2012ko abenduaren 17a - 2020ko irailaren 8a ← Idoia Mendia Cueva - Bingen Zupiria → Espainiako Diputatuen Kongresuko diputatua 2011ko abenduaren 2a - 2012ko abenduaren 17a - Isabel Sánchez Robles → Barrutia: Bizkaia Hautetsia: 2011ko Espainiako hauteskunde orokorrak Espainiako Diputatuen Kongresuko diputatua 2008ko martxoaren 25a - 2011ko abenduaren 13a Barrutia: Bizkaia Hautetsia: 2008ko Espainiako hauteskunde orokorrak Espainiako Diputatuen Kongresuko diputatua 2004ko martxoaren 30a - 2008ko apirilaren 1a Barrutia: Bizkaia Hautetsia: 2004ko Espainiako hauteskunde orokorrak Espainiako Diputatuen Kongresuko diputatua 2000ko martxoaren 24a - 2004ko apirilaren 2a Barrutia: Bizkaia Hautetsia: 2000ko Espainiako hauteskunde orokorrak
Bizitza
Jaiotza	Bermeo, 1960ko uztailaren 3a (65 urte)
Herrialdea	Bizkaia, Euskal Herria
Hezkuntza
Heziketa	Deustuko Unibertsitatea 1982) lizentzia : zuzenbide Euskal Herriko Unibertsitatea 1990) doktoretza : zuzenbide
Hizkuntzak	gaztelania euskara
Jarduerak
Jarduerak	politikaria eta legelaria
Lantokia(k)	Madril
Enplegatzailea(k)	Deustuko Unibertsitatea
Sinesmenak eta ideologia
Alderdi politikoa	Eusko Alderdi Jeltzalea
josuerkoreka.com

2012an, Eusko Jaurlaritzako lehendakari Iñigo Urkulluk Justizia eta Herri Administrazio sailburu eta Jaurlaritzaren bozeramaile izendatu zuen. 2016an, berriz, bozeramaileaz gain Gobernantza Publikoa eta Autogobernuko sailburu izendatu zuten.^[1]

Lehen urteak

Pilar eta Juan gurasoen etxean jaio zen, Bermeon. Aita taxi gidaria zen, eta amak denda bat zuen Juan de Nardiz kalean. Gaztetan dendan laguntzen ibiltzen zen, bi anaiekin batera.^[2]

Heziketa

Deustuko Unibertsitatean Zuzenbidea ikasketak eginik, 1982an lizentzia lortu zuen, eta doktoretza 1990ean. Zuzenbide administratiboko irakaslea da ikastetxe hartan.

Idazlanak

Iñaki Anasagastirekin batera Dos familias vascas: Areilza y Aznar liburua idatzi zuen, Manuel Aznar, José María Aznarren aitona izan zenaren bizitzaz.

Bere zuzendaritzapean 1996an Eleria aldizkaria sortu zuen Eusko Ikaskuntzak. Aldizkariko lehengo zuzendaria izan zen. Zuzenbidearen atal guztiak euskaraz lantzea zuen eginbide. Euskaraz egiten den Zuzenbidea sustatzea eta euskara juridikoaren normalizaziorako tresna baliagarria izatea ziren, hala unibertsitatearen alorrean nola praktikaren eremuan, argitalpenaren helburuak.^[3] 1996tik 2003ra bitartean 24 zenbaki eta 266 artikulu argitaratu zituen aldizkariak.^[4] Lau artikulu hauek idatzi zituen berak:^[5]

• Euskararen erabilera Administrazio Publikoaren barne harremanetan (2000).
• Administrazio eta Prozeduraren 30/1992, azaroaren 26ko Legearen Aldaketa eta euskararen ofizialkidetasuna. Harridurak, zalantzak, noraezak eta, batez ere, galderak (1999)
• Itsastarren lan-segurtasuna Euskal Herriko arrantza-komunitate tradizionaletan (1998)
• Euskara Euskal Administrazioetan; erabilera arautzeari aurpegi emateko bideak (1996)

Bestalde. urte batzuk lehenago, RVAP. Herri-Arduralaritzazko Euskal Aldizkarian beste bi artikulu hauek ere idatzi zituen

• Autonomi-elkarteen eskuduntza esklusibo desitxuratu bat; kirolarena (1993)
• Euskararen erabilpena arauzkotzeko (1992)