Lorea Agirre

Lorea Agirre Dorronsoro (Beasain, Gipuzkoa, 1968ko maiatzaren 30a) kazetaria eta antropologoa da.

Lorea Agirre Dorronsoro 2024an Usurbilen

Lorea Agirre
Irudi gehiago
Bizitza
Jaiotzako izen-deiturak	Lorea Dorronsoro Agirre
Jaiotza	Beasain, 1968ko maiatzaren 30a (57 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	kazetaria, antropologoa eta idazlea
Enplegatzailea(k)	Mondragon Unibertsitatea Euskaldunon Egunkaria Berria Argia
Jasotako sariak	ikusi UEUren ikasturte-hasierako hizlaria  (2016)

Bizitza

Informazio Zientzietan lizentziaduna. Goierritarraren lehenengo aleetan kolaborazioak egin zituen, eta Ordiziako Arlote Irratian ere literatur saioak egin zituen. Kazetaritza ikasten ari zela, Egin egunkariko «A ze astelehenak» gehigarria egiten zuen, Argia aldizkariak osatutako lantaldearekin batera. Argiako talde hartatik Euskaldunon Egunkariara salto egin, eta ondoren Berrian ere kazetari lanetan ibilia da. Euskararen, feminismoaren eta euskal kulturaren inguruko ikerketetan parte hartu du Mondragon Unibertsitatean, Humanitate eta Hezkuntza Zientzien Fakultatean (HUHEZI) Sorguneak ikerguneko ikerlaria baita. 2014tik, Jakin aldizkariko zuzendaria da.^[1]

2015eko Korrikan, Lorea Agirrek idatzi eta irakurri zuen Korrikaren lekuko barruan zihoan mezua, "Bagara nor".^[2] Kulturaren Euskal Kontseiluaren kide ere izan da.^[3]

Lankidetzak

• EUSKARRIAK izeneko egitasmoko lankide izan da. Bagera elkarteak eta Donostia 2016 Fundazioak elkarlanean sortutako egitasmoa da.^[4]

Argitalpenak

Lorea Agirre, 2013an.

Liburuak

• Rosa Luxemburg (Elkar, 2000)
• Gazteei eta eta kulturari buruzko hausnarketa: Gipuzkoa 2001 (Gipuzkoako Foru Aldundia, 2001)
• Pilotaz egitasmoa (Kutxa Fundazioa, 2002)
• Joxemi Zumalabe. Ipurtargiaren itzal luzea (Euskaldunon Egunkaria, 2002)
• Gezurra ari du. Egunkariaren itxieraren kronika (Alberdania, 2004)
• Hedabideak : euskararen berreskuratzea III (Garabide Elkartea, 2010)
• Haurren aisialdi parte-hartzailea, euskalduna, hezitzailea eta herritarra garatzen (Txatxilipurdi Elkartea, 2015)
• Euskalgintza eta feminismoa : identitateak berreraiki, demokrazia sendotu, boteretze kolektiboa bultzatu eta subalternitate eraldatzaile unibertsalak eraikitzeko proposamen bat (Bat. Soziolinguistika aldizkaria, 2016).
• Trikua esnatu da : euskaratik feminismora eta feminismotik euskarara. Lorea Agirre Dorronsoro, Idurre Eskisabel Larrañaga (Susa, 2019). ISBN 978-84-17051-36-5

Artikuluak

• Herri hezitzailea , eskola herritarra (Hik Hasi 27, 2013 negua)
• Euskalgintza eta feminismoa
• Garenak nola egin esaten baitu. Euskal kulturaren gaineko oinarri eta estrategia batzuk.

• Tonucci, Francesco. Haurren hiria : hiria pentsatzeko beste modu bat (Txatxilipurdi, 2013)

Itzulpenak

• (Gaztelaniaz) Reflexiones sobre los jóvenes y la cultura : Gipuzkoa 2001 (Diputación Foral de Gipuzkoa, 2001)
• (Katalanez) Plouen mentides: crònica del tancament d'Egunkaria (S.n., 2005)
• (Ingelesez) The press and media : Basque language recovery III (Garabide Elkartea, 2010)
• (Gaztelaniaz) Los medios de comunicación : la recuperación del euskera III (Garabide Elkartea, 2010)
• (Frantsesez) Les médias : la récupération de la langue basque III (Garabide Elkartea, 2010)