Sava

Sava^[1] (bosnieraz, kroazieraz, eslovenieraz: Sava; serbieraz: Сава, Sava; alemanieraz: Save, Sau; hungarieraz: Száva) Europako ibairik nagusienetako bat eta Danubioren ibaiadar handienetako bat da, 990 kmko luzera eta 97.713 km²ko arroa dituena. Ibaiak Eslovenia, Kroazia, Bosnia-Herzegovina eta Serbia zeharkatzen ditu.

Artikulu hau Balkanetako ibaiari buruzkoa da; Italiako udalerriari gaitzat duena beste hau da: «Sava (Tarento)»

Sava Sava (bs) (cr) (sl) Сава (sb) Save (de) Száva (hu)
Datu orokorrak
Mota	ibaia
Luzera	945 km
Geografia
Koordenatuak	46°20′39″N 14°09′19″E
Hidrografia
Ibaiadarrak	ikusi Savinja ibaia Sotla ibaia Ljubljanica Krka ibaia Kupa Una (ibaia) Vrbas Ukrina (en) Bosna (en) Tinja (en) Drina Kolubara (en) Topčiderka (en) Kokra (en) Sava Dolinka (en) Orljava Glogovica (en) Mirna (en) Lonja (en) Sava Bohinjka ibaia Jerez (en) Krapina (en) Bosut (en) Sunja (en) Kamnik Bistrica (en) Tržič Bistrica (en) Mokroluški potok (en) Jarčina (en) Sora (en) Medveščak (en) Kashka (en) Kustovlyanka (en) Vrelo (en) Zasavica (en) Boben (en) Lipnica (en) Ilomska (en) Peračica
Arroaren azalera	95.719 km²
Arro hidrografikoa	Sava Basin (en) eta Black Sea Basin (en)
Ur-emaria	1.722 m³/s
Bokalea ()	Danubio

Ibilbidea

Savak bi iturri nagusi ditu: Sava Dolinka (ezkerretik) eta Sava Bohinjka (eskuinetik). Bilgunea Esloveniako Lesce eta Radovljica artean dago. Hortik Belgradon Danubiora isuri arte 945 km-ko ibilbidea du, baina Sava Dolinkaren ibilbidea kontuan hartuta, hau da Esloveniako Alpeetatik, 990 km dira.

Sava Danubioren eskuinaldeko ibaiadar nagusia da eta bigarren handiena Tisza eta gero.

Ibaiadarrak

• Eskuinaldetik:
  • Eslovenian: Sora, Ljubljanica, Mirna eta Krka;
  • Kroazian: Kupa eta Sunja;
  • Kroazia eta Bosnia arteko mugan: Una;
  • Bosnian: Vrbaška, Vrbas, Ukrina, Bosna, Brka, Tinja, Lukovac eta Dašnica;
  • Bosnia eta Serbia arteko mugan: Drina;
  • Serbian: Jerez, Kolubara eta Topčiderska reka;
• Ezkerraldetik:
  • Eslovenian: Kokra, Kamniška Bistrica eta Savinja;
  • Eslovenia eta Kroazia arteko mugan: Sotla/Sutla;
  • Kroazian: Lonja eta Orljava;
  • Serbian: Bosut;

Hiri nagusiak

Sava ibaiak Europako hiru hiriburu lotzen ditu: Esloveniako Ljubljana, Kroaziako Zagreb eta Serbiako Belgrado.

Hiriburuak ez ezik beste hiri nagusi batzuk ere zeharkatzen ditu:

• Eslovenian: Litija, Zagorje ob Savi, Trbovlje, Hrastnik, Zidani Most, Radeče, Sevnica, Krško, Brežice eta Čatež.
• Kroazian: Sisak eta Jasenovac.
• Bosnia-Hertzegovina eta Kroazia arteko mugan: Gradiška/Stara Gradiška, Srbac/Davor, Bosanski Kobaš/Slavonski Kobaš, Bosanski Brod/Slavonski Brod, Bosanski Šamac/Slavonski Šamac, Orašje/Županja eta Brčko/Gunja binako herriak.
• Serbian: Jamena, Sremska Rača, Sremska Mitrovica, Klenak, Šabac, Zabrežje, Obrenovac, Umka eta Ostružnica.

Hidrometria

Savaren emaria 1950-2013 bitartean neurtua izan da Sremska Mitrovicako estazioan (Danubiora isuri baino 139,2 km lehenago)^[2][3]. Gune horretan, drainatutako eremuak 87.996 km² ditu, arro osoaren % 90. Emari handiena apirilean du (2.480 m³/s), eta txikiena abuztuan (638 m³/s).

Savaren batez besteko emariak (m³/s), Sremska Mitrovican neurtuak
Datuak: 1950 eta 2013 artean

Iruditegia

• 
  Kranj (Eslovenia).
• 
  Zagreb (Kroazia).
• 
  Slavonski Brod (Kroazia).
• 
  Sremska Mitrovica (Serbia).
• 
  Belgrad (Serbia).