Urtzi Urkizu

Urtzi Urkizu Adrian (Lezo, Gipuzkoa, 1975) euskal herritar kazetari eta idazlea da. Berria egunkarian egiten du lan. Patri Urkizu idazlearen semea da.^[1]

Urtzi Urkizu
Bizitza
Jaiotza	Lezo, 1975 (49/50 urte)
Herrialdea	Gipuzkoa, Euskal Herria
Lehen hizkuntza	euskara
Familia
Aita	Patri Urkizu
Hezkuntza
Heziketa	Euskal Herriko Unibertsitatea
Hizkuntzak	euskara gaztelania
Jarduerak
Jarduerak	kazetaria eta idazlea
Parte-hartzailea Tabakalera

Kazetaria

Kazetaritza ikasi zuen Leioan, Euskal Herriko Unibertsitatea (1998). Lezoko Orratx! herri aldizkaria sortu zutenetako bat izan zen, eta han kolaboratu zuen 1996tik 2003ra. Oarso Telebista sorreran ere parte hartu zuen, eta telebistaren albistegi zuzendaria izan zen 1998an. Euskaldunon Egunkaria-n erredaktore aritu zen, 1999tik 2003ra, egunkaria itxi zuten arte; harrezkero Berria-n egiten du lan egunkaria 2003ko ekainean sortu zutenetik. Komunikabideetako programazioari buruz, serieei buruz eta, oro har, ikus-entzunekoei buruz idazten du egunero.^[2] Euskarazko hedabideez gain , Europako 19 hizkuntza gutxituri buruz ere idatzi du Berriako "Komunikazioa" atalean, besteak beste, hizkuntza hauetan: katalana, galiziera, korsikera, eta gaelikoa.^{[3][4][5][6][7][8]}

2012tik 2020ra, Zurriolako butaka telebista saioaren koordinatzaile eta gidoilaria izan da (bederatzi urtez hori izan zen euskaraz Donostiako Zinemaldiaz egiten zen telebista saio bakarra).^[1]

'Kroketak' izeneko podcastaren egilea ere bada Urkizu. Ivoox eta Spotify plataformetan entzun daiteke.^[9][10][11]

Idazlea

Mikelazulo kultur elkartearen bidetik ekin zion jendaurrean olerkiak irakurtzeari. 2001ean Mikelazulok argitaratutako 'Beste bat apalerako' liburuan parte hartu zuen. 2004an 'Kilimamuak' disko-liburuan ere bai. 2007an 'Beta' liburua argitaratu zuen autoekoizpenean, narrazio eta olerkiz osatua. 2012an, berriz, 'Kezka bat gutxiago' olerki liburua argitaratu zuen Maiatz-en eskutik. Zenbait olerki errezitalditan parte hartu du, baita antzerkia, poesia eta musika uztartzen zituzten beste emanaldi batzuetan ere.^[11]

Zinema zuzendaria dokumentaletan

Bi dokumental zuzendu ditu: No excuse! (Mikelazulo kultur elkartearen ingurukoa) eta Euskaldunon Goya (Luis Goia zinema ekoizlearen gainekoa).^[1]

Idazlanak

Narrazioa-poesia

• Beta Autoedizioa, (2007)
• Kezka bat gutxiago Maiatz, (2012)

Sariak

• 2025: Midas saria. Hemeretzi hizkuntzatan aritzen diren komunikabideen lanari erreparatu izana aitortu zion MIDAS erakundeak Urkizuri. Midas elkarteak hizkuntza gutxituetan ari diren hedabideak elkartzen ditu.^{[12][3][4][5][6][7][8]}