Zaz

Isabelle Geffroy, artistikoki Zaz deitua (Chambray-lès-Tours, 1980ko maiatzaren 1a) frantziar kantautore eta abeslaria da, pop, jazz, rock, chanson eta gipsy jazz bezalako generoak elkartzen dituena. Ekintzailea da eta GKEkin lankidetzan aritzen da. ^[1][2]

Zaz
Irudi gehiago
Bizitza
Jaiotzako izen-deiturak	Isabelle Geffroy
Jaiotza	Tours, 1980ko maiatzaren 1a (45 urte)
Herrialdea	Frantzia
Hezkuntza
Heziketa	Conservatoire à rayonnement régional de Tours (en)
Hizkuntzak	frantsesa
Jarduerak
Jarduerak	egile abeslaria, estudioko musikaria eta abeslaria
Altuera	1,62 metro
Lantokia(k)	Paris
Jasotako sariak	ikusi European Border Breakers Award  (2011) Victoire de la chanson originale de l'année  (2011) : Je veux
Kidetza	Les Enfoirés
Izengoitia(k)	Zaz
Genero artistikoa	chansona pop musika herri-kanta jazza Gypsy jazz (en)
Musika instrumentua	ahotsa gitarra akustikoa
Diskoetxea	Play On
zazofficial.com

Biografia

Geffroyren ama gaztelaniazko irakaslea zen eta aita enpresa elektriko bateko langilea. 5 urte zituela Tourseko Kontserbatorioan hasi zen solfeo ikasten baita bibolina, pianoa eta kitarra jotzen eta abesbatzan abesten. 2000an, 20 urte zituela, beka bat lortu zuen Bordelen musika modernoa ikasteko. Orduan hasi zen musika-estilo desberdinekin saikerak egiten: afrokubatarra, jazz, funky, gospel, eta abar.

Hainbat musika proiektutan aritu ondoren, Parisera abiatu zen eta han 1. diskoa grabatzea lortu zuen. 2010eko udaberrian egin zuen ospera jauzia bere Je veux abestiari esker, bere lehen albumeko bigarren abestia. Geroztik munduan zehar ari da bere kantuekin.^[3][1][4]

Chanson berriaren adierazle gorenetakotzat jotzen da eta, egungo abeslarien artean, Frantzian oihartzun mediatikorik handienetarikoa dauka berak. Geffroyk berak zein taldekideek sortutako kantuek ez ezik, frantziar musikako hainbat kantu klasikoez egin dituen interpretazioek egin dute Zaz ezagun (La Parisienne, La vie en rose, etab.). Gainera, tributoetan ere parte hartu izan du.^[3] Martin Scorseseren Hugo Cabret filmaren soinu-bandan eta Plácido Domingorekin batera abestu zuen.^[5][6]

Konpromiso sozial biziko pertsona da eta Zazimut Fundazioa sortu du lurra eta bizidunaren errespetua sustatzen duten GKE txikien proiektuei laguntza emateko.^[7]

Zaz Euskal Herrian

Tarnose inguruko Izar Adats musika-taldean bi urtez aritu zelarik kantuan, Pirinio erdialdeko eskualdeetan eta Ipar Euskal Herrian itzuliak egin zituen; ondorioz, badu euskal kultura eta hizkuntzaren berri.^[1]

2015ean Donostiako Jazzaldian abestu zuen.^[8][9][10] 2018an Iruñean egon zen.^[11] 2019an Zaz-ek Baionan bi kontzertu eman zituen Kanboko Xan Mixel Garikoitz kolegioko 200 ikasleren koroak lagundurik.^[1]

Diskografia

Diskoak

• Zaz (2010)
• Sans tsu tsou (2011)
• Recto Verso (2013)
• Paris (2014)
• Sur la route (2015)
• Paris, Encore! (2015)
• Au rendez-vous des Enfoirés (2016)
• Effet Miroir (2018)
• Isa (2021)

Urtea	Diskoa	"150" arrakastatsuenen zerrenda
		Austria	Belgika, Flandria	Belgika, Valonia	Frantzia	Alemania	Grezia	Italia	Polonia	Suitza	Herbehereak	Errusia	Txekia	Espainia
2010	ZAZ	12	65	1	1	3	3	19	14	10	56	8	29	93	Diamantezko diskoa
2013	Recto verso	5	16	3	2	2	—	—	5	3	—	—	—	23	Diamantezko diskoa
2014	Paris	4	8	2	2	5	—	—	9	3	54	—	—	17
2015	Sur la route	—	36	10	4	—	—	—	—	9	—	—	—	—	Platinnozko diskoa
2015	Paris, Encore!
2016	Au rendez-vous des Enfoirés
2018	Effet Miroir

Singleak

Urtea	Abestia	Zerrendak
		Belgika, Flandria	Belgika, Valonia	Suitza	Austria	Alemania	Frantzia	Polonia	Bulgaria	Quebec
2010	Je veux	34	2	23	16	22	34	23	26	—
2010	Le long de la route	32	16	—	—	—	62	39	—	—
2011	La fée	—	7	—	—	—	40	35	—	—
2012	Éblouie Par La Nuit	17	34	—	—	—	29	—	—	—
2013	On ira	—	21	15	74	47	12	—	—	1
2013	Comme ci, comme ça	76	56	—	—	—	—	—	—	—
2013	Si	86	53	—	—	—	34	—	—	—
2014	Gamine	—	57	—	—	—	169	—	—	—

Errekonozimenduak eta sariak

• 2015ean Echo Saria "Emakumezko artista internazional hoberena" kategorian.^[12]
• 2011n Abestirik originalenari Les Victoires de la musique saria "Je veux" abestiarekin.^[13]
• 2010ean European Border Breaker Awards Saria.^[14]